Юбілейны канцэрт Epica
Апублікавана
у
Навіны
Гурт Epica яшчэ раней абвяшчаў, што зробіць спецыяльнае юбілейнае шоў, прысьвечанае дзесяцігодзьдзю гурта пад назвай Retrospect. Гэты канцэрт пройдзе ў горадзе Эйндховен, і зараз гурт пацьвердзіў, што канцэрт будуць трансьляваць ў HD якасьці праз LiveMusicStage.Пасланьне ад Epica: “23-га сакавіка 2013 года мы сьвяткуем нашае дзесяцігодзьдзе спецыяльным прадстаўленьнем пад назвай Retrospect. На сцэне з намі будзе аркестр і хор. Гэты канцэрт стане самым амбіцыёзным нашым праектам, разам зь цікавым афармленьнем і неспадзяванымі гасьцямі, мы вельмі рады, што раскуплены амаль усе квіткі. Фэны з усіх канцоў сьвету будуць разам з намі падчас гэтай грандыёзнай падзеі. Мы атрымалі мноства лістоў ад нашых фэнаў, якія ня змогуць далучыцца да нас 23-га сакавіка, проста таму, што гэта вельмі далёка ад іхных краін. Спецыяльна для нашых адданых слухачоў з далёкіх краін мы радасна абвяшчаем, што дамовіліся з LiveMusicStage, каб яны трансьлявалі канцэрт праз Інтэрнэт.”
Квіткі для прагляду канцэрту праз LiveMusicStage будуць каштаваць па 5 еўра да 7-га сакавіка. Пасьля 7-га квіткі будуць каштаваць 7 еўра, зацікаўленыя могуць набыць квіткі праз LiveMusicStage/EPICA, таксама можна набыць экслюзіўны квіток праз афіцыйную краму, разам зь ім у камплекце будуць Retrospect майка і Retrospect ламінаваны VIP.
0 каментароў