- Інфармацыя
- Мапа
- Выявы
Характарыстыкі
| Месца знаходжання | Магілёўская вобласць, Кіраўскі раён, в. Жылічы |
| Дата будаўніцтва | 1825 год – пачатак ХХ стагоддзя |
| Заснавальнік | Булгак |
| Стыль | класіцызм |
| Сучасны стан | аднаўляецца |
Апісаньне
На жаль ці на шчасце, але палац Булгакаў у вёсцы Жылічы не з’яўляецца сёння вельмі вядомым і папулярным архітэктурным помнікам. Але па прыгажосці і велічы ён несумненна стаіць у адным шэрагу з Нясвіжскім і Мірскім замкамі. І сёння я магу сцвярджаць, што нездарма толькі з другой спробы, з цяжкасцю дабралася да гэтага цудоўнага месца – яно безумоўна каштуе ўвагі ўсіх вандроўнікаў і аматараў архітэктуры.
… У пачатку ХІХ стагоддзя буйны шляхціч Ігнат Булгак вырашыў пабудаваць рэзідэнцыю, якая зацямніла б сабой усе папярэднія сядзібы Беларусі. У Ігната Булгака была вялікая сям'я — дзевяць дзяцей ад двух шлюбаў, але маёнтак у выніку дастаўся яго малодшаму сыну Эдгару, які пасля смерці бацькі працягнуў дабудоўваць палац.
Будаўніцтва палаца пачалося ў 1825 годзе і працягвалася да пачатку ХХ стагоддзя. У адным бакавым крыле палаца быў збудаваны касцёл, у другім — трапічная аранжарэя, якая, на жаль, не захавалася. Улетку пальмы, кіпарысы і апельсіны высаджвалі ў парку. У аранжарэі падтрымлівалася пэўная тэмпература, вільготнасць, і расліны пах. Да нашых дзён захаваліся фотаздымкі зімовага саду. Зроблены яны былі ў 1914 годзе, калі ўладальнік палаца яшчэ жыў тут і падтрымліваў парадак.
Вялікую ўвагу Булгакі надавалі музыцы. Таму ўсе памяшканні палаца адрозніваюцца выключнай акустыкай. У палацы ёсць нават адмысловы патаемны паверх, па якім музыкі незаўважна для гасцей маглі прабірацца на балкончыкі, дзе яны гралі. Палац уражваў не толькі сваімі памерамі, але і ўнутраным убраннем. На жаль, да нашых дзён не захавалася ні адзінага прадмета інтэр'еру. Але нават па ляпніне на столях можна здагадвацца аб тым, што на сваё жыллё пан грошай не шкадаваў. А яшчэ кажуць, у адной з калон параднага шасцікалоннага ўваходу па загаду старэйшага Булгака была замуравана пяцігадовая дзяўчынка, купленая ў прыгоннай жанчыны. І быццам зроблена гэта было дзеля таго, каб дух дзіцяці ахоўваў будынак ад нячыстай сілы: дзеці да сямі гадоў лічацца анёламі.
Палацу Булгака, у адрозненні ад многіх іншых архітэктурных славутасцяў на беларускай зямлі, пашчасціла перажыць ўсе войны: на яго не ўпала ні адна бомба, не закранулі яго і ваенныя пажары. Падчас другой сусветнай вайны фашысты ператварылі палац у шпіталь, а частку парку — ў могілкі, дзе хавалі памерлых у шпіталі нямецкіх салдат.
У цяперашні час палацава-паркавы комплекс паспяхова рэстаўруецца, частка яго памяшканняў перададзена Жыліцкаму музею.
vk.com/architekture
… У пачатку ХІХ стагоддзя буйны шляхціч Ігнат Булгак вырашыў пабудаваць рэзідэнцыю, якая зацямніла б сабой усе папярэднія сядзібы Беларусі. У Ігната Булгака была вялікая сям'я — дзевяць дзяцей ад двух шлюбаў, але маёнтак у выніку дастаўся яго малодшаму сыну Эдгару, які пасля смерці бацькі працягнуў дабудоўваць палац.
Будаўніцтва палаца пачалося ў 1825 годзе і працягвалася да пачатку ХХ стагоддзя. У адным бакавым крыле палаца быў збудаваны касцёл, у другім — трапічная аранжарэя, якая, на жаль, не захавалася. Улетку пальмы, кіпарысы і апельсіны высаджвалі ў парку. У аранжарэі падтрымлівалася пэўная тэмпература, вільготнасць, і расліны пах. Да нашых дзён захаваліся фотаздымкі зімовага саду. Зроблены яны былі ў 1914 годзе, калі ўладальнік палаца яшчэ жыў тут і падтрымліваў парадак.
Вялікую ўвагу Булгакі надавалі музыцы. Таму ўсе памяшканні палаца адрозніваюцца выключнай акустыкай. У палацы ёсць нават адмысловы патаемны паверх, па якім музыкі незаўважна для гасцей маглі прабірацца на балкончыкі, дзе яны гралі. Палац уражваў не толькі сваімі памерамі, але і ўнутраным убраннем. На жаль, да нашых дзён не захавалася ні адзінага прадмета інтэр'еру. Але нават па ляпніне на столях можна здагадвацца аб тым, што на сваё жыллё пан грошай не шкадаваў. А яшчэ кажуць, у адной з калон параднага шасцікалоннага ўваходу па загаду старэйшага Булгака была замуравана пяцігадовая дзяўчынка, купленая ў прыгоннай жанчыны. І быццам зроблена гэта было дзеля таго, каб дух дзіцяці ахоўваў будынак ад нячыстай сілы: дзеці да сямі гадоў лічацца анёламі.
Палацу Булгака, у адрозненні ад многіх іншых архітэктурных славутасцяў на беларускай зямлі, пашчасціла перажыць ўсе войны: на яго не ўпала ні адна бомба, не закранулі яго і ваенныя пажары. Падчас другой сусветнай вайны фашысты ператварылі палац у шпіталь, а частку парку — ў могілкі, дзе хавалі памерлых у шпіталі нямецкіх салдат.
У цяперашні час палацава-паркавы комплекс паспяхова рэстаўруецца, частка яго памяшканняў перададзена Жыліцкаму музею.
vk.com/architekture
0 каментароў