Касцёл святога Роха ў Менску

Калі ўмець шукаць – можна ў Менску знайсці і такую прыгажосць! Нават калі і не ўмець, а проста звярнуць з шумлівага праспекта ў сцішэлы двор, каб насалодзіцца халодным півам, не рызыкуючы натыкнуцца на прадстаўнікоў бязмежнай у нашай краіне ўлады ))

Такім чынам я і пазнаёмілася з касцёлам св. Роха (другая назва – Траецкі касцёл), што, недаступны для вачэй наведвальнікаў і жыхароў сталіцы, знаходзіцца ў самым цэнтры горада па-за невыразнымі безасабовымі будынкамі на вуліцы Залатая горка. А гэты архітэктурны помнік рэтраспектыўна-гатычнага стылю між тым заслугоўвае значнай увагі.

Кажуць, сваім з'яўленнем касцёл абавязаны аднаму польскаму лекару, які пасля эпідэміі халеры ў горадзе прапанаваў гараджанам сабраць сродкі на пабудову новага храма. Тут была ўсталяваная драўляная скульптура Святога Роха. У каталіцызме Св.Рох лічыцца абаронцам людзей і жывёл ад заразных хвароб, а таксама заступнікам хірургаў.

Касцёл быў збудаваны з цэглы па праекце акадэміка Пецярбургскай акадэміі мастацтваў М.Сівіцкага ў 1861-1864 гадах. Гісторыкі сцвярджаюць, што менавіта ў касцёле св. Роха ўпершыню ў Мінску ў набажэнства была ўведзена руская мова замест польскай. Гэта адбылося ў лютым 1871 года.

Апошняя рэканструкцыя касцёла прыйшлася на гады заходу савецкага ладу, а храм планавалася выкарыстоўваць як камерны зала Філармоніі. Тут быў усталяваны орган, выраблены чэшскімі майстрамі. Дзяржава ўклала нямала сродкаў у аднаўленне будынка, таму пасля перадачы храма вернікам было вырашана, з узаемнай згоды, выкарыстоўваць яго таксама ў якасці канцэртнай залы. Служба ў касцёле св. Роха сёння ідзе толькі на беларускай мове (у іншых касцёлах — на беларускай і польскай мовах).

vk.com/architekture