Агляд мерапрыемства: "16.11.2011 Дударскі Клуб + Дудовая выстава" ў клубе Re:Public
Апублікавана
у
Рэпартажы
Фота by glebans
Ўжо па традыцыі вечарам кожнай серады збіраюцца людзі… куды? Дык на "Дударскі Клуб" жа! Вось і у гэты раз мы пабывалі на другім музыкальна-танцавальным вечары этнічна-фолькавай духавой(і не толькі) музыкі ў выкананні шматлікіх майстроў свайго інструмента.
Народу на гэтым мерапрыемстве было крыху менш, чым на адкрыцці сезона, але і бяз гэтага было як звычайна весела, чароўна і цікава. Адметнымі рысамі другога вечара сталі такія з'явы, як экран на сцяне, які «вывесілі» за спінамі музыкантаў, на якім ўвесь час можно было бачыць слайд-відэа з фотаздымкаў папярэдніх вечароў (пераважна — папярэдняга сезона, калі Дударскі Клуб праходзіў у "Бастыёне")…
… з'явілася зноў у барах «бюджэтнае» піва па 9.000 б.р. (хто быў на апошніх канцэртах у клубе Re:public, той заўважыў, што хмяльны напой каштаваў ад 17к бел.р. за бутэльку), нейкія журналісты з невядомага тэлеканала, якія здымалі выступы музык ды танцы каля сцэны, а пасля бралі інтэрв'ю ў удзельнікаў ды гасцей Дударскага Клуба, а вось галоўным новаўвядзеннем стала тэматычная выстава музычных інструментаў ды рэчаў, якія маюць сувязь з гісторыяй Дударскага Клуба (Відаць, наш фатограф glebans быў настолькі зацікаўлены тым, што адбывалася ў зале, што сфатаграфаваў толькі рамкі з фотаздымкамі на гэтай выставе=))
Шчыра кажучы, вечар быў самы найцудоўнейшы. Увогуле — нават лепшае, што магчыма прыдумаць пасярод тыдня, каб адпачыць як ў нядзелю) Добрая атмасфера ды сяброўскія зносіны між усімі: музыкамі і гасцямі, цвярозымі і тымі, хто ўжо ацаніў усе якасці мясцовага алкаголю, танцорамі і тымі, хто проста стаяў, уважліва слухаючы — гэта адметная рыса ўсіх такіх мерапрыемств. Было зроблена нават усё дзеля камфортнага адпачынку кожнага: мірна вырашанае пытанне накшталт палення(зараз першы паверх з'яўляецца агульнатанцавальным, а вось тыя, хто жадае крыху папаліць, могуць зрабіць гэтае на другім паверсе), вернута знікшае піва, пра якое я ўжо паведаміў вам крыху вышэй, і інш.Толькі мы адчулі маленькую нязручнасць на ўваходзе. Мясцовыя ахоўнікі добрасумленна нікому не давяраюць бяз афіцыйных папер=) Вялікі дзякуй невядомай дзяўчынке за дапамогу ў вырашэнні гэтага канфуза.
Таксама, як і звычайна, на мерапрыемстве можна было заўважыць знакамітых дзеячаў беларускай культуры і проста вядомых людзей: напрыклад, яшчэ на ўваходзе давялося пабачыць Тодара Кашкурэвіча ды Зміцера Сасноўскага («Стары Ольса»), на сцэне ў гэты вечар выступалі Стась, вядомы некаторым металхэдам, як цяперашні дудар гурта Gromagorn, Яўген Барышнікаў, «жудасны» Філ, Юрась Панкевіч і інш.
Ў выніку жадаю сказаць толькі тое, што яшчэ абавязкова вярнусь на гэтае мерапрыемства, вельмі ўж яно зачароўвае сваёй прыгажосцю ды вітаючым у паветры асаблівым настроем.
Жыве Дударскі Клуб!
6 каментароў