Дударскі фэст-2012 канцэрт-адкрыццё 27.04.2012
Апублікавана
у
Рэпартажы
З вялікай радасцю кажу, што адбылося адкрыццё Дударскага фэсту-2012, адзінаццатага міжнароднага фестывалю, прысвечананга такому старадаўняму інструменту як дуда. Адбыўся канцэрт 27 красавіка ў Палацы ветэранаў. Як было заяўлена ў афішы – перад канцэртам у фае танцы са слухачамі з удзелам тэатру Яварына пад музыку ў выкананні гурта Тутэйшыя. Гралі не толькі ў фае, але нават выйшлі на вуліцу, дзе да дзяўчат з Яварыны далучыліся некалькі чалавек. Потым усё ж такі вярнуліся ўнутр. Думаю, што задума з танцамі перад канцэртам не так рэалізавалася, як планавалася, бо і людзей не так шмат было напярэдадні (любіць наш народ прыходзіць к сааамаму пачатку), а тыя, хто ўжо прыйшоў, у большасці сваёй стаялі ды проста слухалі музыку. Насамрэч, людзей увогуле не ў вялікай колькасці было, але гэта не перашкодзіла добраму канцэрту.
На пачатку з вітальнай прамовай выступілі Тодар Кашкурэвіч і Зміцер Сасноўскі, адны з тых, дзякуючы каму, ідзе адраджэнне дударскага руху на Беларусі. Як было адзначана, што раней і ўявіць не было магчыма, што рух набудзе такое пашырэнне, моц. Асабіста я адчуваю гонар за дударскі рух у нашай краіне, прызнаны і паважаны ў свеце.
Першымі граць выйшлі на сцэну падлеткавы гурт з Івянца “Рарог” на чале з кіраўніком Кацярынай Радзівілавай. Хлопчык з дудой, дзве дзяўчынкі і непасрэдна сама Кацярына выканалі некалькі кампазіцый. Гледзячы на гэтых апранутых у нацыянальныя строі падлеткаў, слухаючы, як яны граюць, вельмі цешышся, што ёсць будучыня ў нашай культуры, яе пашарэнні. Бо каму, як ні нам, маладому пакаленню, пераймаць ад старэйшых традыцыі, зберагаць і папулярызаваць культуру продкаў, а потым у сваю чаргу перадаваць нашчадкам у спадчыну. Дзякуй, вельмі спадабаўся ваш выступ!
Наступнымі на сцэну былі запрошаны дуэт дудароў Дзяніс Сухі і Стась Чавус. Потым да іх далучыўся яшчэ адзін выдатны музыка бубнач Яўген Барышнікаў.
Падчас аб’явы трэціх удзельнікаў канцэрту, Зміцер Сасноўскі папярэдзіў, што музыка гурта, як і ўся этнамузыка, псіхічна актыўная і што цяжка будзе ўспрымацца ў такім памяшканні. Яна патрабуе вольнай прасторы. Такім чынам перад слухачамі з’явіўся гурт рытуальнага фальклору ESSA, ініцыятарам стварэння якога з’яўляецца Тодар Кашкурэвіч. Сярод выкананых песень былі такія, як “Цмок”, танец “Таўкачыкі”. Але найбольшае ўздзеянне аказала на мяне “Замова на Пяруна”. Кранула за нетры душы, а па целу прабеглі “мурашкі”. Адно толькі шкада было, што гэта ўсё не адбывалася недзе на прыродзе. Сапраўды не хапала гэтага адчування прасторы, блакітных нябёсаў над галавой, подыха ветрыку. Спадзяюся, наступны выступ гурта ESSA, які буду слухаць і глядзець, пройдзе на свежым паветры. Вялікі дзякуй за тыя эмоцыі і пачуцці, якія ўнутры нараджаюцца падчас вашага грання!
А вось надалей была прадстаўлена музыка XVI-XVII стагоддзяў у выкананні гурта Стары Ольса. Амаль што пачаўшы граць, Зміцер абвясціў: “Стары Ольса”. Мяркую, што для тых, хто сабраўся ў зале, нават калі б і не агучылі назву гурта, пытання, хто ж зараз перад імі на сцэне, не ўзнікла:)
У апошні час музыкі шчыльна звярнуліся да такога славутага зборніку музыкі, як Полацкі сшытак. Таму не дзіўна, што было ў большасці сваёй адыграна тое, над чым гурт працаваў апошні час. Па словах Зміцера Сасноўскага, чым болей яны “сядзяць” у Полацкім сшытку, тым больш разумеюць, што да канца сваёй творчай дзейнасці не вылезуць адтуль. Дарэчы кажучы, падчас канцэрту адбылася прэзентацыя песні “Марыя Вірджын Маці Каралева” (прабачце за кірылічнае напісанне). Перад выкананнем яе мы пачулі даволі працяглую гісторыю, аб чым песня, таксама было адзначана, што большую частку працы над ёй заняў пераклад.
Нягледзячы на некаторыя праблемы з гукам, у мяне як заўсёды засталіся прыемныя ўражанні ад выступу ўлюбёнага гурта Стары Ольса.
Усё не вечна ў нашым свеце, і канцэрт таксама мае свойства заканчвацца. На жаль. Але ўсіх запрасілі на працяг Дударскага фэсту ў нядзелю 29 красавіка спачатку ў Дудуткі, дзе мае адбыцца канферэнцыя-канцэрт, навучанне старабеларускім і сярэднявеччым танцам, а ўвечары на гала-канцэрт у Re:public, дзе дударская музыка будзе прадстаўлена ў самых розных напрамках.
Так што працягваем свята, да сустрэчы на канцэрце!
На пачатку з вітальнай прамовай выступілі Тодар Кашкурэвіч і Зміцер Сасноўскі, адны з тых, дзякуючы каму, ідзе адраджэнне дударскага руху на Беларусі. Як было адзначана, што раней і ўявіць не было магчыма, што рух набудзе такое пашырэнне, моц. Асабіста я адчуваю гонар за дударскі рух у нашай краіне, прызнаны і паважаны ў свеце.
Першымі граць выйшлі на сцэну падлеткавы гурт з Івянца “Рарог” на чале з кіраўніком Кацярынай Радзівілавай. Хлопчык з дудой, дзве дзяўчынкі і непасрэдна сама Кацярына выканалі некалькі кампазіцый. Гледзячы на гэтых апранутых у нацыянальныя строі падлеткаў, слухаючы, як яны граюць, вельмі цешышся, што ёсць будучыня ў нашай культуры, яе пашарэнні. Бо каму, як ні нам, маладому пакаленню, пераймаць ад старэйшых традыцыі, зберагаць і папулярызаваць культуру продкаў, а потым у сваю чаргу перадаваць нашчадкам у спадчыну. Дзякуй, вельмі спадабаўся ваш выступ!
Наступнымі на сцэну былі запрошаны дуэт дудароў Дзяніс Сухі і Стась Чавус. Потым да іх далучыўся яшчэ адзін выдатны музыка бубнач Яўген Барышнікаў.
Падчас аб’явы трэціх удзельнікаў канцэрту, Зміцер Сасноўскі папярэдзіў, што музыка гурта, як і ўся этнамузыка, псіхічна актыўная і што цяжка будзе ўспрымацца ў такім памяшканні. Яна патрабуе вольнай прасторы. Такім чынам перад слухачамі з’явіўся гурт рытуальнага фальклору ESSA, ініцыятарам стварэння якога з’яўляецца Тодар Кашкурэвіч. Сярод выкананых песень былі такія, як “Цмок”, танец “Таўкачыкі”. Але найбольшае ўздзеянне аказала на мяне “Замова на Пяруна”. Кранула за нетры душы, а па целу прабеглі “мурашкі”. Адно толькі шкада было, што гэта ўсё не адбывалася недзе на прыродзе. Сапраўды не хапала гэтага адчування прасторы, блакітных нябёсаў над галавой, подыха ветрыку. Спадзяюся, наступны выступ гурта ESSA, які буду слухаць і глядзець, пройдзе на свежым паветры. Вялікі дзякуй за тыя эмоцыі і пачуцці, якія ўнутры нараджаюцца падчас вашага грання!
А вось надалей была прадстаўлена музыка XVI-XVII стагоддзяў у выкананні гурта Стары Ольса. Амаль што пачаўшы граць, Зміцер абвясціў: “Стары Ольса”. Мяркую, што для тых, хто сабраўся ў зале, нават калі б і не агучылі назву гурта, пытання, хто ж зараз перад імі на сцэне, не ўзнікла:)
У апошні час музыкі шчыльна звярнуліся да такога славутага зборніку музыкі, як Полацкі сшытак. Таму не дзіўна, што было ў большасці сваёй адыграна тое, над чым гурт працаваў апошні час. Па словах Зміцера Сасноўскага, чым болей яны “сядзяць” у Полацкім сшытку, тым больш разумеюць, што да канца сваёй творчай дзейнасці не вылезуць адтуль. Дарэчы кажучы, падчас канцэрту адбылася прэзентацыя песні “Марыя Вірджын Маці Каралева” (прабачце за кірылічнае напісанне). Перад выкананнем яе мы пачулі даволі працяглую гісторыю, аб чым песня, таксама было адзначана, што большую частку працы над ёй заняў пераклад.
Нягледзячы на некаторыя праблемы з гукам, у мяне як заўсёды засталіся прыемныя ўражанні ад выступу ўлюбёнага гурта Стары Ольса.
Усё не вечна ў нашым свеце, і канцэрт таксама мае свойства заканчвацца. На жаль. Але ўсіх запрасілі на працяг Дударскага фэсту ў нядзелю 29 красавіка спачатку ў Дудуткі, дзе мае адбыцца канферэнцыя-канцэрт, навучанне старабеларускім і сярэднявеччым танцам, а ўвечары на гала-канцэрт у Re:public, дзе дударская музыка будзе прадстаўлена ў самых розных напрамках.
Так што працягваем свята, да сустрэчы на канцэрце!
0 каментароў