avatar

15-годдзе CATHARSIS! +ID:VISION. 11 сьнежня клуб Re:Public
Апублікавана у Рэпартажы

71 Фота
image
А вечары нядзелі 11 сьнежня праз год ад апошняга канцэрта расейскі пауэр-метал гурт CATHARSIS наведаў Менск.

У якасьці падтрымкі былі абраныя беларускія індустрыяльшчыкі ID:VISION. Драйвовы выступ, які ўключаў і песьні з апошняга альбома «Destination Cybermind». Упэўненае выкананьне, добрая падача. Трэба адзначыць заўважанае толькі на гэтым канцэрце абсталяваньне для сьвятла, якое ўвадзіла ў транс пад жорсткія рытмы гурта, і дым, які быў вельмі і вельмі ў тэму. Мінус за гук. Дрэнна чытаўся вакал, ды выпадала сола гітара. Шмат спрэчак таксама было наконт адпавяданьня АйДзівіжна фармату канцэрта, але што ёсьць, то ёсьць, ды ў нядрэннай якасьці. Файны беларускі гурт еўрапейскага ўзроўню.
Ну і як жа не дадаць пару слоў пра эпізод з выкліканьнем цвярозага Пашы на сцэну як вялікага фаната айдзівіжнаў. Прадэманстраваўшы якія-ніякія веды па біяграфіі гурта, той быў узнагароджаны квітком на наступную буйную імпрэзу Fatal Ecstasy, а гэта канцэрт гурта CRUACHAN.

CATHARSIS некаторы час строіліся, потым зьніклі, ды канчаткова з'явіліся на сцэне пад традыцыйнае інтра. Зь першых акордаў пайшла добра пастаўленая падача з нармалёвым пафасам. Настрой быў заданы добры. Да гуку таксама асаблівых прэтэнзій не было, акрамя што той жа праблемы з выпаданьнем сола-інструментаў часам. Тым не менш, шматлікі натоўп усё больш пагружаўся ў экстаз, намагаючыся дабіцца катарсіса ад музыкі аднайменнага гурта. Былі і імклівыя драйвовыя песьні, і балады. Вакаліст свабодна кіраваў натоўпам, у чым яму дапамагалі астатнія музыканты, асабліва басіст. Было і нейкае драм-сола. А лысы гітарыст нарэшце засьвяціўся з кларнетам ды вакалам.
Была і імправізаваная «ёлачка» — разварушыць зал на добрыя эмоцыі. Было шампанскае за юбілей гурта, якое вакаліст доўга ня мог адкрыць, прымушаючы драмера не спыняць дробі. У цэлым, па-сяброўску ўсё было, часу ад часу гучала: «Спасибо, Белоруссия!» У вачах людзей было захапленьне, фанаты пад сцэнай адрываліся па-поўнай. Музыканты па завучанай схеме пакінулі сцэну, каб вярнуцца на біс і ўкласьці апошнія сілы ў канчатковыя кампазіцыі, дзе, канешне ж, быў хіт «Крылья».
Такім чынам, Катарсіс сапраўды зрабіў для сваіх фанатаў яркі вечар, поўны розных эмоцый. Гурт можна назваць ў добрым сэнсе камерцыйным. Бо яны сапраўды умеюць падаваць сваю музыку так, каб яе любілі, прымушаць зал зьлівацца ў адно энергетычнае цэлае. Нашыя віншаваньні ўсім, хто дачакаўся і трапіў на канцэрт свайго ўлюбёнага гурта, і нашыя словы суцяшэньня тым, у каго не атрымалася — CATHARSIS абяцалі прыехаць ізноў у 2012 годзе.

Рэцэнзія: Christian
Фота: glebans

71 выява

5 каментароў

avatar
Файныя якасныя здымкі. Добра выразіў атмасферу.
avatar
А лысы гітарыст нарэшце засьвяціўся з кларнетам ды вакалам
хахах… так Алега Мiшына яшчэ нiхто… ніхто не называў
avatar
Так, я ўжо даведаўся, што гэта менавіта ён асноўны аўтар кампазіцый. Але да пэўнага моманту неяк выпадаў з агульнай карціны гэты дробны некаларытны Алег…
avatar
нажаль мяне не было… (
avatar
Лепш ужо будзе на Эпідэмію трапіць.
Каб пакінуць каментар