avatar
avatar

Калядны фэст 2015: запальваем разам
Апублікавана у Рэпартажы

65 Фота
image
Штогод 25 сьнежня Калядная Каза традыцыйна завітвае ў сталічны Re:Public з пачастункамі, карагодамі, прымаўкамі і поўнай абоймай беларускіх гуртоў. У гэтым годзе пад эгідай “Каляднага фэсту” сабралася ўсім вядомая кампанія — Irdorath, Стары Ольса, Znich, Гістрыён, да якіх далучыліся PiobRock, Палац і галоўная інтрыга імпрэзы, гурт Trollwald. Кіраваў парадам паважаны спадар Зьміцер Сасноўскі. Нягледзячы на ўпікі кшталту “зноў адно і тое ж, хочацца чаго-небудзь новенькага”, “Калядны фэст 2015” сабраў поўны зал ахвотнікаў сустрэць каталіцкае Раство з фолкам, металам і калядным адрывам.



Адрывацца пачалі разам з дуэтам шатландскіх дуд PiobRock. За гэтаю назвай хаваецца музычны і сямейны тандэм Андрэя і Аксаны Мароз, даволі вядомы наведвальнікам “Дударскага клубу”. Пад энергічны мінус PiobRock выканалі трошкі папулярных поп- і рок-мелодый, зноў жа даволі вядомых наведвальнікам дударскіх вечарын, каб крыху разварушыць танцпляц. Немудрагеліста, але даволі весела атрымалася. Тым часам на вуліцы ледзь скончылася агромністая чарга, людзі грэліся, разглядалі разнастайны мерч, гутарылі і асвойваліся на калядным сьвяце, атмасферу якога цягам вечару падтрымлівалі танцоры, калядоўшчыкі з Гістрыён і, зразумела, сама Каза, якая доўга хавалася, каб яе заўважылі ды вярнулі ў строй.



Дарэчы, акрамя Казы у гэтым годзе на “Калядным” было заўважана шмат “іншародных целаў” у характэрных спартыўках, якія, мяркуючы па размовах, прыйшлі на дыскатэку, а трапілі на фэст. Таксама багата “целаў” у непрытомным становішчы выносілі з клубу пад белыя ручанькі. Аднак ня трэба думаць, што аўтар канцэнтруецца на адмоўным. У агульнай масе было шмат адкрытых і задаволеных твараў рознага ўзросту, на якія было сапраўды прыемна глядзець.

Прыемна было глядзець і на сцэну, дзе усьлед PiobRock зьявіліся ўлюбёнцы публікі, гурт Irdorath. Гэтая фэнтэзійна-фолкавая супольнасьць падводзіла вынікі году, за які Irdorath выпусьцілі альбом, зрабілі кліп і павялічылі свой склад да дванаццаці ўдзельнікаў. Па прызнаньню саміх музыкаў, на “Калядным фэсьце” яны прадставілі тыя кампазіцыі, якія было прыемна выконваць цягам году. Аднак гэтым разам Irdorath былі нібыта ня ў голасе, ды й песьні падабраліся даволі сур’ёзныя. Узяць хаця б эмацыйна складаную “Быў. Ёсьць. Буду”. Становішча выратавалі цудоўныя бэк-вакалісткі, што навявалі асацыяцыі з сапраўдным хорам, сьпевы якіх у гэты дзень раздаваліся ў касьцёлах ва ўсім сьвеце.



Рэлігійныя асацыяцыі працягнуліся і з выступам Старога Ольсы, якія засьпявалі адзінай паньне “Ave Maria” і зладзілі, як звычайна, медывальны вэрхал. За Старым Ольсам даўно заўважана цікавая асаблівасьць: гурт хоць і фолкава-сярэднявечны, а на фэстах ладзяць такія слэмы, што некаторыя метал-музыкі сабе не ўяўляюць. Піўныя песьні – яшчэ адна кропка перасячэньня інтарэсаў.



Зрэшты паралелі паміж Старым Ольсам і металам насамрэч невыпадковыя, бо удзельнік гурта Алесь Чумакоў апынуўся сэсійным музыкам наступных выступоўцаў, доўгачаканых Trollwald, экс-Litvintroll. Танцпляц быў напагатове і зь першых жа акордаў ірвануўся ў слэм, аднак празь некаторы час расслухаў, што Trollwald – гэта ўсё ж такі новы гурт, нягледзячы на ўсюдыісную тролеўскую харызму пана Апана. Стала менш фолку з дудой, больш алкаголю і ягоных наступстваў. Чаго вартыя толькі назвы новых песень — «Легальныя» прысмакі", «Чалавек-парсюк», «Stenkenstolz». Як жартуюць самі музыкі, пад такімі назвамі можна было б выпусьціць уласную лінію алкаголю. Што датычыцца непасрэдна музыкі, стала больш складаных, прагрэсіўных канструкцый, тэмп запаволіўся, паглыбілася тая думовая атмасфера, якую можна было знайсьці ў літвінтролеўскай «Змрочнасьці» і «Чорнай Паньне». Як і было абяцана, гучаў толькі чысты вакал, нават падчас выкананьня старой добрай «Купалінкі». Пераслухаць адну з новых кампазіцый, каб скласьці ўласнае меркаваньне, можна па спасылцы. А мы будзем чакаць выхаду ЕР і новых сустрэч з Trollwald. Таму што падабаецца, keep on trolling.



Выступ фолк-мадэрн гурта Палац таксама спадабаўся. У параўнаньні з усімі выступоўцамі менавіта Палац пакінуў самае роўнае, збалансаванае ўражаньне, выдаўшы шэраг калядных і ня толькі песень. Алег Хаменка прапанаваў вадзіць карагоды, і двойчы паўтараць не прыйшлося. Карагоды, ланцужкі, паравозікі – народ з задавальненьнем прыдумваў сабе забавы і самастойна запальваў танцпляц. Па прызнаньням некаторых наведвальнікаў, Палац – гурт школьнага юнацтва, які з гадамі ўспрымаецца толькі лепш. Такі рэтрасьпектыўны аналіз прывёў да думкі, што ўласна на “Калядны фэст” мы зьбіраемся, здаецца, ажно восьмы раз. Час ідзе, а адчуваньне сьвята застаецца.



Непадуладны часу аказаўся і замыкальны ўдзельнік імпрэзы, гурт Znich. Як і наконт самога “Каляднага фэсту”, у адрас “зьнічоў” было чуваць шмат папрокаў, маўляў, граюць хлопцы дваццаць год тое ж самае. Але са зьменай складу станоўчыя зрухі акрэсьліліся і ў творчасьці гурта, сэт на “Калядным” таму добрае пацьверджаньне. Пасьля наказу ад Таболіча “рукі ўгору і “казу” Znich выдаў шэраг новых кампазіцый, сярод якіх асабліва яскрава ў памяці адбіліся “Дунаю”, “Асьвяці”, “Зорка Венера”. То бок, адбыўся сапраўдны бенефіс бас-гітарыста Аляксандра Бурзума Філіпенка, кампазітарскі талент якога па поўнай разгарнуўся з прыходам у Znich.



Тым часам людзі паціху сыходзілі, стомленыя і поўныя новых уражаньняў, а Калядная Каза пабегла далей несьці дабрабыт і шчасьце, каб мы да летніх фэстаў дачакаліся і надалей узімку з Калядою сустракаліся.

Тэкст: Паліна Трохаўцава
Фота: Дыяна Прымшыц

65 выяў

5 каментароў

avatar
Хочацца болей пра Trollwald
avatar
Слушнае пажаданьне! Болей пра Trollwald дададзена ў адпаведнай рэпартажнай частцы.
avatar
А яшчэ два абзацы пра «Trollwald» знойдзеце тут у Анатоля Мяльґуя novychas.by/fakty_padziei_liudzi/kaliadny_fest_vyhnannie_niacys/
avatar
«каталіцкае Раство з фолкам, металам і калядным адрывам», гэта, амаль што як: жыд — РНЕшнiк, які моліцца Буддзе ў Стоўнхэнджы. цiкава…
avatar
Ну ў вас і пудры на мазґох!!! У артыкуле ні слова пра каталікоў, у назве фэста толькі спрадвечнае нашае сьвята Каляды, а вы тут РНЕшным папом задзелаліся ў будысцкім храме на замлі абяцанай. Хацелі плюнуць у сьвятое, а атрымалася yourself.
avatar
Пин Ап казино [url=https://pin-up777.ru/]Pin Up Casino[/url] официальный сайт играть на деньги или бесплатно
avatar
Best girls who agree on everything click on vseindividualki.ru
go over and you will be very happy.
avatar
Адвокат. Консультация Бесплатно. Помощь опытного адвоката в Запорожье, Днепре и по всей территории Украины по уголовным, гражданским, административным и хозяйственным делам, защита по делам об административных правонарушениях.
Опыт работы более 20 лет.
Консультации по телефону с 9 до 20 часов, бесплатно.
Более подробно на сайте: [url=https://lawyer-1568.business.site/]АДВОКАТ ВОЛНОВАХА[/url]
avatar
Добро пожаловать в онлайн [url=https://pin-up777.ru/]казино Пин Ап[/url]! Играйте в любимые игры, выигрывайте деньги, получайте бонусы!
avatar
Рольставни Воронеж предлагает предпринимателям, владельцам частных домов и городских квартир
[url=https://xn----7sbgbpgkvuddhasjir2p.xn--p1ai/]рольставни воронеж[/url]
Компания «рольставни воронеж» производит и устанавливает рольставни для владельцев магазинов, кафе и других оффлайн точек с гарантией в 10 лет!
Каб пакінуць каментар