avatar

Satanath Records - малады лэйбл з СНД
Апублікавана у Навіны

На прасторы СНД пасьпяхова разьвіваецца малады лэйбл пад назвай Satanath Records. Гэта лэйбл па выданьні, канешне ж, металічнай музыкі, які працуе з гуртамі усіх куткоў сьвету, але пераважная дзейнасьць базуецца на Беларусі і Расеі. Рэлізы выдаюцца на прафэсійных CD з паліграфіяй (буклеты, упакоўкі, мерч). Штампоўка дыскаў робіцца на заводзе ад 500 копій. Лагатып і артворк для альбома могуць быць створаныя па замове ў асабістага мастака Satanath Records. Таксама лэйбл дапамагае ў стварэньні персанальных сайтаў і аказвае асобныя паслугі па менеджменце.

DeadDogSkull & HeilHellProductions — саб-лэйбл, які спецыялізуецца на выданьні нефарматнай музыкі, якая знаходзіцца ў рамках цікавасьцяў аматараў металу. Рэлізы ідуць па стылях эмбіент, этнічны фолк, пост-рок і інш. Існуе спрошчаная версія выданьня. Па жаданьні друкуюцца дробныя Pro CD-R тыражы.

Па гэтай спасылцы можна азнаёміцца з каталогам рэлізаў Satanath Records. Асаблівай увагі вартыя такія альбомы беларускіх каманд, як:
  • Vistery — Sinister Prophecy (2012),
  • Exegutor — Dive Sessions [ep] (2012),
  • Divided — To Have Nothing (2012),
  • Grosad — Confession For The Devil [ep] (2012).
У сьпісе таксама бачым Францыю, Германію, Нарвегію, Мексіку, Украіну і Расею.

Калі вы прадстаўляеце музычны калектыў і зацікавіліся выдавацца на Satanath, вось тут прыведзеная ўся інфармацыя па патрабаваньнях да матэрыялу, а ўмовы супрацоўніцтва абмяркоўваюцца праз эл.пошту: satanath@mail.ru — галоўны імэйл для асноўнага фармату; satanathrecords@gmail.com — імэйл для пазафарматнага матэрыялу.

Што тычыцца замовы і набыцьця дыскаў, то вось Distro GrimmDistribution, дзе можна аформіць замову па пазіцыях каталога. Шмат з гэтага знаходзіцца менавіта ў Менску і даступнае ў любы час ды не патрабуе адпраўкі па пошце.

Напрыканцы 2012-га лэйбл падвёў вынікі свайго першага году працы і пазначыў планы разьвіцьця на год 2013. Падрабязна азнаёміцца зь імі можна тут.

0 каментароў

Каб пакінуць каментар