Новыя відэа Voivod, Chrome Division і Instronaut
Апублікавана
у
Навіны
Прывітаньне ўсім, мы знаёмім вас зь відэа-навінкамі мінулага тыдню. Тыдзень выдаўся багаты на рэлізы розных эктрым напрамкаў, але мы прапануем вам паглядзець кліпы, якія болей адносяцца да класічнага металу і року. Тройка першага зімовага тыдню — Voivod, Chrome Division і Instronaut.
Канадскія металісты Voivod падзяліліся сваім новым відэа. Гэта ўжо іх другі кліп з апошняга альбома Target Earth. Рэжысёрам выступіў Syl Disjonk, вядомы сваёй хорар-караткаметражкай Ethereal Chrysalis.
Вакаліст Denis «Snake» Belanger распавёў пра значэньне кліпу Kluskap O'Kom: «Часам ён апісваецца як лясны волат, часам – як монстар у возеры, а часам – як магутная нябесная істота. Kluskap — гэта імя дзіўнага персанажа і O'Kom – гэта месца, дзе ён жыве. Kluskap — гэта легендарны персанаж канадскага племя Micmacs. Аднойчы ён прыйшоў на Зямлю, каб забіць усіх дыназаўраў і дапамагчы людзям усталяваць кантроль над планетай. Аднойчы Kluskap вернецца з другой місіяй назад да людзей. Ёсьць шмат агульнага паміж гісторыяй пра Kluskap’а і іншымі легендамі розных плямёнаў па ўсім сьвеце. Гэту легенду я лічу дастаткова унікальнай. Дык вось, пачуйце гром, гэта я вяртаюся назад! KlusKap O'Kom!»
Мабыць многія з вас чулі аб творчасьці зорнага праекта Chrome Division, які складаецца з удзельнікаў знакамітых нарвежскіх метал банд. Першая новая песьня з новага альбома ўжо даступна ў відэа-фармаце. Трэк называецца Endless Nights, і вы можаце азнаёміцца зь ім унізе. Іх новы альбом Infernal Rock Eternal выйдзе праз Nuclear Blast Records 17 студзеня 2014-га года ў Еўропе і 21 студзеня ў Паўночнай Амерыцы. Адназначна вельмі цікава паглядзець, як зорныя металісты граюць алдскульны hard’n’heavy з элементамі southern rock’у і stoner’у. А вам падабаецца новая песьня?
Амерыканцы Intronaut, якія граюць вельмі якасны і самабытны progressive metal, падзяліліся сваім новым відэа на песьню Harmonomicon, якая ўваходзіць у апошні альбом Habitual Levitations (Instilling Words With Tones). Новы альбом гурта можна было набыць/спампаваць яшчэ з сакавіка 2013-га году. Зараз гурт гастралюе па Еўропе разам са Scale The Summit.
Сяргей Бохан (Rocker)
Канадскія металісты Voivod падзяліліся сваім новым відэа. Гэта ўжо іх другі кліп з апошняга альбома Target Earth. Рэжысёрам выступіў Syl Disjonk, вядомы сваёй хорар-караткаметражкай Ethereal Chrysalis. Вакаліст Denis «Snake» Belanger распавёў пра значэньне кліпу Kluskap O'Kom: «Часам ён апісваецца як лясны волат, часам – як монстар у возеры, а часам – як магутная нябесная істота. Kluskap — гэта імя дзіўнага персанажа і O'Kom – гэта месца, дзе ён жыве. Kluskap — гэта легендарны персанаж канадскага племя Micmacs. Аднойчы ён прыйшоў на Зямлю, каб забіць усіх дыназаўраў і дапамагчы людзям усталяваць кантроль над планетай. Аднойчы Kluskap вернецца з другой місіяй назад да людзей. Ёсьць шмат агульнага паміж гісторыяй пра Kluskap’а і іншымі легендамі розных плямёнаў па ўсім сьвеце. Гэту легенду я лічу дастаткова унікальнай. Дык вось, пачуйце гром, гэта я вяртаюся назад! KlusKap O'Kom!»
Мабыць многія з вас чулі аб творчасьці зорнага праекта Chrome Division, які складаецца з удзельнікаў знакамітых нарвежскіх метал банд. Першая новая песьня з новага альбома ўжо даступна ў відэа-фармаце. Трэк называецца Endless Nights, і вы можаце азнаёміцца зь ім унізе. Іх новы альбом Infernal Rock Eternal выйдзе праз Nuclear Blast Records 17 студзеня 2014-га года ў Еўропе і 21 студзеня ў Паўночнай Амерыцы. Адназначна вельмі цікава паглядзець, як зорныя металісты граюць алдскульны hard’n’heavy з элементамі southern rock’у і stoner’у. А вам падабаецца новая песьня?
Амерыканцы Intronaut, якія граюць вельмі якасны і самабытны progressive metal, падзяліліся сваім новым відэа на песьню Harmonomicon, якая ўваходзіць у апошні альбом Habitual Levitations (Instilling Words With Tones). Новы альбом гурта можна было набыць/спампаваць яшчэ з сакавіка 2013-га году. Зараз гурт гастралюе па Еўропе разам са Scale The Summit.Сяргей Бохан (Rocker)
0 каментароў