Лідар гурта Стары Ольса у праекце "Публічная лекцыя TUT"

Апублікавана 13 сакавіка 2013, 14:53 у Навіны

Лідар беларускага гурта Стары Ольса Зьміцер Сасноўскі вядомы як чалавек, увесь час апантаны новымі ідэямі. Адным з апошніх захапленьняў зьяўляюцца коміны і калекцыянаваньне рэтра-аўто.

Аўтар чатырох кніг па гісторыі беларускай музыкі. Мае досьвед працы рэжысёрам, кліпмэйкерам ды прадзюсэрам, а таксама мае непасрэднае дачыненьне да штогадовых фестываляў Калядны фэст і Дударскі фэст. Сваю зацікаўленасьць гісторыяй ды музыкай Зьміцер Сасноўскі зьвязвае з містыкай.

У публічнай лекцыі на TUT.BY-TB Зьміцер Сасноўскі раскажа пра спосабы рэстаўрацыі музыкі сярэднявечча, рэнесанса і барока, спецыфіку працы з рознымі музычнымі культурамі ды інструментамі. Лекцыя адбудзецца 18 сакавіка ў 19.00 у офісе ТUТ.BY.

Пакінуць заяўку на ўдзел у лекцыі можна па адрасе air@tutby.com з паметкай «Зьміцер Сасноўскі».

Для тых, хто ня зможа патрапіць на лекцыю, TUT.BY-TV арганізуе прамую трансьляцыю лекцыі тут.