Café Netto

Чарговае месца, што прыняло эстафету галоўнай (і бадай адзінай) менскай пляцоўкі для дробных і сярэдніх цяжкіх мерапрыемстваў. Знаходзіцца ў 10-хвіліннай даступнасьці ад метро па першай лініі. У асноўным пазіцыянуецца як грыль-бар, у памяшканьні падчас канцэртаў сапраўды пахне стравамі. А пры сонечным сьвятле праз шэраг вітражоў дзейства будзе хутчэй нагадваць сяброўскія пасядзелкі за куфлем пеннага з музычным суправаджэньнем загнаных у кут гуртоў. Сцэны як такой няма. Але гук можна сапраўды наруліць досыць добры, як гэта было на адной з (пакуль) нешматлікіх металічных імпрэзаў у Café Netto. У гэтым артыкуле можна падрабязьней пачытаць пра наша знаёмства з новай пляцоўкай: belmetal.org/blog/report/1712.html

Адрас: Чырвоная, 13.
Бліжэйшая станцыя метро: Пл. Я.Коласа, Пл. Перамогі.
Тэлефон: +375 (29) 668-13-13