Молат - "Пагоняй да Новае Эры" (альбом 2012)
Апублікавана
у
Рэцэнзіі
Молат
“Пагоняй да Новае Эры” (альбом 2012)
12 дарожак / 51 хвіліна
Strong Survive Recs. / Homo Superior
Нечакана для сябе я вельмі ўсцешаны гэтым рэлізам.
Вось такой сёння павінна быць Беларусь-Крывія – жалезнай, жорсткай, моцнай, упэўненай, упарадкаванай і ў той жа час спакойнай і шчырай; калі патрэбна – імклівай і рэзкай. Цвёрдыя крокі, упэўненыя рухі гаспадара зямлі; ніякіх скаргаў, слёзаў і енкаў. Слабак, здраднік, гультай унутры сябе раздушаны цяжкімі ботамі дысцыпліны, упартасці, волі.
Калі дзядзькі, якім даўно за трыццаць, ужо каторы дзясятак год пішуць і выдаюць цяжкую музыку, напоўненую нацыянальным гонарам, то як вы думаеце – хіба яны на сёння робяць гэта для понту і славы? Мо, для самасцвярджэння? Як думаеце, у іх на альбоме будзе хоць адно лішняе слова, або дзіцячыя тэксты па прынцыпе «абы было» (прывітанне Дрыгве і сённяшняму складу Зніча)?
Не. Гэтыя дзядзькі гавораць з намі таму, што ім ёсць што сказаць; яны самааддана дзейнічаюць за ідэю.
Гук запісу цяжкі і жорсткі. Музычна гэты альбом уяўляе сабою сумесь хард'н'хэві ды панк-хардкору з вельмі значнай роляю дуды (гук якой, як вядома, вылечвае ўсе хваробы і ператварае беларуса-гараджаніна ў ваўкалака) і іншых народных інструментаў. У партыі рытм-гітары практычна няма рыфаў, а паўсюль ідуць прагрэсіі акордаў. Мелодыку паверх гэтых прагрэсій ствараюць голас, дуда і сола-гітара, прычым яны даволі шчыльна чаргуюцца, запаўняючы прастору. Песні збольшага маюць звычайную куплетна-прыпеўную структуру. Вакал грубы і даволі брудны, як у панку, але ўпэўнены і заўжды не крычыць, а пяе мелодыю, як у хард-року і хэві-метале. Песні запамінаюцца збольшага прыпевамі, а таксама мелодыямі на дудзе. Агулам, калі прыбраць дуду, музыка трошкі патыхае старамодным хард'н'хэві з нейкай расійскай глыбінкі – але гэта дадае шчырасці.
Альбом змяшчае тры каверы: на гурты In Extremo і Honor, а таксама на народную песню «Падымалісь чорны хмары» («Абарона Крычава»), якую выконваў Стары Ольса на альбоме «Гераічны эпас». Гэта, як па мне, найлепшы трэк з найлепшага альбома Ольсы, таму мне вельмі радасна было тут гэта пачуць.
Таксама ўзрадавала арыгінальная музычная рэалізацыя верша «Пагоня» М. Багдановіча. Няхай яна ў панк-версіі Молата гучыць і беднавата, але цешыць тое, што думка музыкаў працавала самастойна, а не паўтарала гатовае.
Афармленне альбома зроблена старанна і даволі грунтоўна, адзінае што вокладка здаецца несур'ёзнай для гэтага музычнага матэрыялу. Пераклады тэкстаў на ангельскую мову – о багі! – здаецца, не маюць памылак, хехе!
Па тэкстах. Найперш прыемна здзівіла наяўнасць песні, прысвечанай Усяславу Чарадзею: мо, я не ведаю, але, здаецца, ніхто раней з беларускіх цяжкіх гуртоў не звяртаўся да постаці гэтага правадыра. Наогул тэксты прасякнуты даволі-такі кананічнымі для цяжкой музыкі матывамі змагання за волю і праўду, вобразамі сілы і годнасці. Сюды дадаецца беларуская нацыянальная спецыфіка, а ў некаторых песнях — нацыянал-сацыялістычная ідэалогія, у тым ліку нават з канкрэтнымі кароткімі тэзісамі пра тое, якой павінна быць дзяржава (песня «Парадак»). Заўважу, што ніякага шавінізму і расавай нянавісці тут няма. Я не надта сімпатызую нацыянал-сацыялізму як ідэалагічнай плыні, але беларускамоўны NS – гэта адназначна лепш, чым беларускамоўныя ліберальна-дэмакратычныя соплі ды жаласныя стогны.
На ўсім альбоме ні ў тэкстах, ні ў музыцы практычна няма недапрацовак, слабых месцаў. Чуваць, што дзядзькі стараліся зрабіць усё вывераным.
Песні «Усяслаў Чарадзей», «Абарона Крычава», «Преодоленье…», «Парадак», «Браты па зброі» прымусілі маё сэрца біцца часцей, і я проста, шчыра кажучы, не мог не напісаць усё гэта. Мо, у маім апісанні вельмі шмат суб'ектыўнага, але ж – усім патрыётам Беларусі раю паслухаць гэты альбом!
Нам патрэбны ідэі, вобразы і песні, ад якіх загараюцца вочы і мацней б'ецца сэрца. Дзякуй Вам, дзядзькі!
Спіс песень:
1 Храбрыя сэрцам
2 Усяслаў Чарадзей
3 Молот Воли
4 Імчыць Пагоня…
5 Абарона Крычава (версія народнай песні)
6 Выбирай! (кавер на In Extremo)
7 Преодоленье…
8 На окруту
9 Парадак
10 Браты па зброi
11 Маладыя штурмаўцы (кавер на Honor)
12 Апошнiя з расы Багоў
“Пагоняй да Новае Эры” (альбом 2012)
12 дарожак / 51 хвіліна
Strong Survive Recs. / Homo Superior
Нечакана для сябе я вельмі ўсцешаны гэтым рэлізам.
Вось такой сёння павінна быць Беларусь-Крывія – жалезнай, жорсткай, моцнай, упэўненай, упарадкаванай і ў той жа час спакойнай і шчырай; калі патрэбна – імклівай і рэзкай. Цвёрдыя крокі, упэўненыя рухі гаспадара зямлі; ніякіх скаргаў, слёзаў і енкаў. Слабак, здраднік, гультай унутры сябе раздушаны цяжкімі ботамі дысцыпліны, упартасці, волі.
Калі дзядзькі, якім даўно за трыццаць, ужо каторы дзясятак год пішуць і выдаюць цяжкую музыку, напоўненую нацыянальным гонарам, то як вы думаеце – хіба яны на сёння робяць гэта для понту і славы? Мо, для самасцвярджэння? Як думаеце, у іх на альбоме будзе хоць адно лішняе слова, або дзіцячыя тэксты па прынцыпе «абы было» (прывітанне Дрыгве і сённяшняму складу Зніча)?
Не. Гэтыя дзядзькі гавораць з намі таму, што ім ёсць што сказаць; яны самааддана дзейнічаюць за ідэю.
Гук запісу цяжкі і жорсткі. Музычна гэты альбом уяўляе сабою сумесь хард'н'хэві ды панк-хардкору з вельмі значнай роляю дуды (гук якой, як вядома, вылечвае ўсе хваробы і ператварае беларуса-гараджаніна ў ваўкалака) і іншых народных інструментаў. У партыі рытм-гітары практычна няма рыфаў, а паўсюль ідуць прагрэсіі акордаў. Мелодыку паверх гэтых прагрэсій ствараюць голас, дуда і сола-гітара, прычым яны даволі шчыльна чаргуюцца, запаўняючы прастору. Песні збольшага маюць звычайную куплетна-прыпеўную структуру. Вакал грубы і даволі брудны, як у панку, але ўпэўнены і заўжды не крычыць, а пяе мелодыю, як у хард-року і хэві-метале. Песні запамінаюцца збольшага прыпевамі, а таксама мелодыямі на дудзе. Агулам, калі прыбраць дуду, музыка трошкі патыхае старамодным хард'н'хэві з нейкай расійскай глыбінкі – але гэта дадае шчырасці.
Альбом змяшчае тры каверы: на гурты In Extremo і Honor, а таксама на народную песню «Падымалісь чорны хмары» («Абарона Крычава»), якую выконваў Стары Ольса на альбоме «Гераічны эпас». Гэта, як па мне, найлепшы трэк з найлепшага альбома Ольсы, таму мне вельмі радасна было тут гэта пачуць.
Таксама ўзрадавала арыгінальная музычная рэалізацыя верша «Пагоня» М. Багдановіча. Няхай яна ў панк-версіі Молата гучыць і беднавата, але цешыць тое, што думка музыкаў працавала самастойна, а не паўтарала гатовае.
Афармленне альбома зроблена старанна і даволі грунтоўна, адзінае што вокладка здаецца несур'ёзнай для гэтага музычнага матэрыялу. Пераклады тэкстаў на ангельскую мову – о багі! – здаецца, не маюць памылак, хехе!
Па тэкстах. Найперш прыемна здзівіла наяўнасць песні, прысвечанай Усяславу Чарадзею: мо, я не ведаю, але, здаецца, ніхто раней з беларускіх цяжкіх гуртоў не звяртаўся да постаці гэтага правадыра. Наогул тэксты прасякнуты даволі-такі кананічнымі для цяжкой музыкі матывамі змагання за волю і праўду, вобразамі сілы і годнасці. Сюды дадаецца беларуская нацыянальная спецыфіка, а ў некаторых песнях — нацыянал-сацыялістычная ідэалогія, у тым ліку нават з канкрэтнымі кароткімі тэзісамі пра тое, якой павінна быць дзяржава (песня «Парадак»). Заўважу, што ніякага шавінізму і расавай нянавісці тут няма. Я не надта сімпатызую нацыянал-сацыялізму як ідэалагічнай плыні, але беларускамоўны NS – гэта адназначна лепш, чым беларускамоўныя ліберальна-дэмакратычныя соплі ды жаласныя стогны.
На ўсім альбоме ні ў тэкстах, ні ў музыцы практычна няма недапрацовак, слабых месцаў. Чуваць, што дзядзькі стараліся зрабіць усё вывераным.
Песні «Усяслаў Чарадзей», «Абарона Крычава», «Преодоленье…», «Парадак», «Браты па зброі» прымусілі маё сэрца біцца часцей, і я проста, шчыра кажучы, не мог не напісаць усё гэта. Мо, у маім апісанні вельмі шмат суб'ектыўнага, але ж – усім патрыётам Беларусі раю паслухаць гэты альбом!
Нам патрэбны ідэі, вобразы і песні, ад якіх загараюцца вочы і мацней б'ецца сэрца. Дзякуй Вам, дзядзькі!
Спіс песень:
1 Храбрыя сэрцам
2 Усяслаў Чарадзей
3 Молот Воли
4 Імчыць Пагоня…
5 Абарона Крычава (версія народнай песні)
6 Выбирай! (кавер на In Extremo)
7 Преодоленье…
8 На окруту
9 Парадак
10 Браты па зброi
11 Маладыя штурмаўцы (кавер на Honor)
12 Апошнiя з расы Багоў
2 каментара