avatar

Што робіцца ў Камаедзіцы?!
Апублікавана у Навіны


Шкада, што я выйшаў з клуба, калі Алег з Камаедзіцы падчас Каляднага фэста штурхаў са сцэны тую сакраментальную прамову. Наколькі разумею з пераказаў і бурленьня, прамоўца ў выніку элегантна намякнуў усёй аўдыторыі і палове прысутных музыкаў, што яны (аўдыторыя і выступоўцы) «клоуны». =)))
Атрымліваецца калі не па метале, дык, прынамсі, па панку.
У любым павятовым горадзе былога СССР можна сустрэць г.зв. нефармалаў, якія мараць, напрыклад, зайсьці на дыскатэку якога-небудзь сельгастэхнікума — то бок, у эпіцэнтр шчыра варожай культуры — і пракрычаць накшталт «вы ўсе ўроды!» З гэтага гледзішча Люты стаў другім чалавекам на маёй памяці, які пасьпяхова ажыцьцявіў векавую мару нефармала.

Між тым, гэткай урачыстасьцю Камаедзіца… адзначыла аднаўленьне канцэртнай дзейнасьці пасьля некалькіх гадоў маўчаньня. Толькі не сказаць, каб дзейнасьць аднавілася ў межах прававога поля Рэспублікі Беларусь. На старонцы kamaedzitca.com прыведзены фрагменты выступу ў асноўным з маскоўскага каляднага народніцка-металічнага фестывалю Wotanjugend — Asgardsrei:

Заўважна, што ў гурта ня толькі зьявіўся паўнавартасны жывы склад, але і другі вакаліст. Канцэптуальная неабходнасьць гэтага мне пакуль незразумелая, тым больш што вакаліст спяваць не навучыўся яшчэ, дык і на сайце гэта аніяк не было згадана, за выняткам фоткі Лютага і новага вакаліста, таксама быкаватага выгляду. =)
І заўважна, што канцэртны рэпертуар, не на дзіва, складаецца зь цяперашніх, позьніх песень. Журботная інтруха «Вільгельм Кубэ» (ад гэтага прысвячэньня хай шавеліцца плеша ў камуністычных прапагандосаў) і дэпрэсіўны гімн «Традыцыя Поўначы», канечне, добрыя канцэртныя нумары. Але калі будуць канцэрты па Беларусі, асабіста я быў бы вельмі рады пачуць жыўцом і шлягеры з папярэдніх альбомаў, як то «Выбар ты робіш сам» (!!!), «Hardline Kryuja», «У вякі вякоў», «Волі герояў подых бязьмежнасьці» і дактрынальныя «Дзеці лесу», «Падымайся, брат».
У канцы роліка маскоўскія правыя скандуюць «Беларусь, Беларусь!» Мне распавядалі, дарэчы, што, напрыклад, калі ў Маскву прыязджае Зьніч, то гледачы нават пяюць тэксты.

Таксама Камаедзіца на тле апантанага захапленьня адзінаборствамі запісала і выпусьціла як… эээ… сінгл рускамоўную песьню «Дух Воина» ў якасьці гімна для аднайменнага турніру, што праводзіцца расійскай фірмай па вытворчасьці спартовай вопраткі White Rex:

Зрэшты, гэта па сутнасьці і не Камаедзіцы песьня, а Алега + запрошанага гітарыста + Кастуся Трамбіцкага, які зайграў на народных інструментах.
Якраз Трамбіцкі са сваімі дудкамі тут і гучыць лепш за ўсіх, прафесійна, а аснова песьні і тэкст напісаны нібыта насьпех, абы было — ня кажучы ўжо пра мяшанку стыляў… Так, пасоны, я спадзяюся, гімн для беларускай секты рукаемнага бою Hort Fighting будзе больш грунтоўным?

8 каментароў

avatar
Нешта незразумелае з гуртом робіцца. Будзем назіраць.
avatar
Дзякуй за артыкул. Няхай чытачы будуць больш дасьведчанымі ў тым, што тут робіцца.
avatar
Убачыў у тэгах «канструктыўныя секты і культы». Зьдзіўлены.
avatar
Калі нешта патрабуе тлумачэння, ю'р вэлкам.
avatar
Ну дык давай. Я ўжо настроены лахаць.
avatar
Дык у чым пытанне?
avatar
Чаму гэта «канструктыўны культ»? Што канструктыўнага? І чаму гэта можна ўпісаць у рамкі беларускага нацыяналізма. Мне вельмі цікава, а асабіста пытацца неяк не хочацца, бо гледзячы па дзейнасьці аргументы будуць цалкам у шабаны-стайл. Вось асабіста тваё меркаваньне цікавіць.
avatar
Сама фраза з'яўляецца пародыяй на афіцыйны выраз «деструктивные секты и культы».
Што канструктыўнага — напрыклад, пазіцыя pro-life, стрэйт эдж, экалагізм, традыцыйныя каштоўнасці. Для кантрасту, скажам, Deofel або Pestilentia — гэта «дэструктыўныя» секты.
У межы беларускага нацыяналізму я тут упісваць не спрабаваў, здаецца. Раней гэта было зрабіць лёгка, цяпер ужо цяжэй. Але ж калі пільна трэба: выкарыстанне бел.нац. сімволікі, павага да бел.нацыяналістаў часоў другой сусветнай, супраца з бел.нац. суполкамі.
Каб пакінуць каментар