Eryn Non Dae. "Hydra Lernaia" (2009)

Апублікавана 28 сакавіка 2012, 15:59 у Рэцэнзіі

У наш час ужо нікога не здзівіць разнастайнасцю стыляў. Можна пачуць амаль усё: і сімфа-грайнд, і постфолк-прагрэсіў-рашн рок, і паўэр ф'юнерал дум і шмат яшчэ чаго. Гэта было б жартам, каб lastfm ці myspace паказалі нам штосьці іншае.
Тым больш, нікога не здзівіш, кажучы, што гурт, у якім намешана 100500 разнастайных жанраў і паджанраў паходзіць з Францыі, што зараз прэтэндуе на стольную краіну металічнага свету.
Eryn Non Dae, так называецца гэты гурт. І мае ён ужо даволі неблагі ўзрост — амаль 12 год, хаця з пад струн музыкаў (быццам бы яны з Нарвегіі і граюць тру-блэк) выйшаў пакуль толькі ЕР (2005), фуфлыжны спліт з індустрыял-міталіздамі Dagoba (2006) і альбом «Hydra Lernaia» (2009 год), аб якім пойдзе гутарка ніжэй.
Сабраўшы ўсе тэгі, якімі пазначана іх музыка, я прыйшоў да высновы, што банда грае Мath metal/Рost-metal/Sludge/Ambient/Technical Death metal/Progressive metal. Пасля такога ўзнікае само сабой заканамерны Facepalm. Слухаем.
Як паказала праслухванне, ніводны тэг не падмануў. У гэтай музыцы ёсць сапраўды ўсё пералічанае, мажліва толькі прагрэсіва менш за ўсё, хаця прог — гэта зараз такая ж размытая з'ва, як і авангард. З першага праслухвання з першай песні чутна, што на гурт маюць наймацнейшы ўплыў Gojira і Mastodon.
З першага праслухвання яны не закацяць, нават і не спрабуйце зразумець музычны матэрыял — будзеце чуць адную кашу. Але з кожным новым разам нам адкрываюцца новыя грані. Проігрышы пададуцца хітовымі, музыка пачне падабацца і прадстаўляць сабой не какафонію, а дакладна арганізаваны суперарганізм, да дробязяў прадуманы суперкамп'ютэрам. Запіс спецыяльна зробены, каб спачатку стваралася уражанне сладжу, а толькі потым заліць сухачам у галаву порцыю Techno/math металу. Вось яна, прыгажосць надасказанасці…
Таму, калі вас цікавіць штосьці больш разумнае, чым трохакордны фольк з п'янымі пляскамі — раю спампаваць адзін з лепшых гуртоў, які я чуў за апашні час northdw.ifolder.ru/28826365