avatar

Extrovert у Менску 8 і 10 красавіка 2012 г.
Апублікавана у Рэпартажы

180 Фота
image
Расейскі гурт Extrovert з г. Іркуцка, які прадстаўляе прагрэсіўны бок у металічнай музычнай культуры, вырашыў наведаць Менск і правесьці 2 буйных файных канцэрты пад назвай BURNING EMPTY SPACES TOUR 2012, з рознымі праграмамі.

8 красавіка у клубе “Крокус” у якасьці супорта прысутнічалі Wolfshade (Брэст), якія граюць дастаткова прыемны і якасны стары добры хэві, і менскія металісты, менавіта ALEXANDER KISS са сваім гуртом «Attraction». 10 жа красавіка ў клубе Салтайм госьці зь Сібіры прапанавалі альтернатыўныю праграму, складзеную з так званай “фІрмы”, без аніякага супорту, але ж прагучалі тыя песьні, якія чакалі ўсе, хто прыстутнічаў на гэтай іпрэзе. Людзей было небагата, але ж, што датычыцца атмасферы, то трэба сказаць, што тая колькасьць народу, якая прысутнічала, стварыла натоўп перад сцэнай і на працягу канцэрта падтрымлівала доўгачаны гурт (хто жадаў прыйсьці, той прыйшоў ня гледзячы не на што).

То я ж самае адбылося і 8 красавіка. Дзяўчаты і хлопцы стваралі пары і танчылі пад павольныя кампазіцыі. Гурты-падтрымальнікі тады ў “Крокусе” вельмі парадавалі ня менш за сібіракоў і зрабілі настрой каверамі на “Iron Maiden”, “Мастер” у выкананьні Wolfshade. Attraction прапанавалі свой погляд на песьні немцаў “Rage” (Down, Unity). 10 красавіка пад маркай Extrovert было сыграна шмат песень, сярод якіх былі каверы на Scorpions, Queen, Jhon Lennon, Elvis Presley, Paul McCartney, Deep Purple, Roxette. Выступ быў падзелены на дзьве часткі, і другую жа адчыняла знакамітая Overture з рок-оперы Jesus Christ Superstar! Напраканцы гурт выканаў таксама “Беспечный ангел” Арыі і тры сваіх капазыціі, замест адной, як агучвалася спачатку. Пасьля выступу музыкі, якія яшчэ з’яўляюцца удзельнікамі акампануючага гурта іркуцкага музычнага тэатра, які аднойчы наведаў Менск (чатыры гады таму), засталіся і разам зь неабыякавымі да творчасьці выпілі пеннага напoю перад тым, як накіравацца у Кіеў і далей.

Вялікі дзякуй удзельнікам гурта і мэнаджару — Вікторыі, а таксама арганізатарам і ўсім, хто склаў прыемны настрой на працягу 3 дзён, пакуль сібіракі былі ў Менску. У фотарэпартажы таксама прысутнічаюць здымкі з сустрэчы з гуртом ў бары “Драйв” і ў більярднай!

180 выяў

0 каментароў

Каб пакінуць каментар