Дэбютны альбом беларускага гурта Nemdis
Апублікавана
у
Навіны
Кампанія «Вігма» прапануе ўвазе дэбютны альбом гурта NEMDIS — «Against the Current». Менскія музыкі запісалі радыкальную па гучаньню і максімалісцкую па зьместу кружэлку. Разважаньні аб тым, як цяжка ісьці супраць плыні, пад акампанімент суворых гітар і кулямётную чаргу бубнаў.Альбом ужо пасьпеў атрымаць максімальную адзнаку ў вядучым выданьні СНД пра цяжкую музыку Dark City (#62). Кружэлку можна набыць ва ўсіх кропках продажу дыскаў кампаніі «Вігма» і асабіста пераканацца ў тым, якую высокую планку ўсталявалі для сябе музыкі NEMDIS.
Кіруючыся прынцыпам, што «ўсё павінна быць выдатна», NEMDIS даручылі гук альбома майстрам сваёй справы: шведскаму гукарэжысёру Пеле Хенрыксану, які працаваў з сусьветна вядомымі гуртамі In Flames і Meshuggah, і гэтак жа расейскаму гукарэжысёру Аркадыю Наваха. Над афармленьнем 16-старонкавага буклета працаваў адзін зь лепшых сучасных расейскіх мастакоў Віталь Шушко.
Гурт NEMDIS утварыўся ў траўні 2008 года. Актыўная канцэртная дзейнасьць пачалася ў 2010 годзе пасьля лічбавага рэліза альбома «Against the Current». Гурт выступаў на адной пляцоўцы з Sonic Syndicate, Catamenia і Battlelore. На дадзены момант у склад гурта ўваходзяць: Яўген Скварчэўскі — вакал, Дзяніс Буглай — бас-гітара, Сяргей Буглай — гітара, Андрэй Саланко — гітара, Аляксей Гладыш — бубны.
0 каментароў