Пётр Елфімаў у оперы гурта Эпидемия
Апублікавана
у
Навіны
Мала хто ня чуў пра першую расейскую рок-оперу "Эльфийская Рукопись" у дзьвюх частках. Падчас працы над гэтымі канцэптуальнымі кружэлкамі расейскаму гурту Эпидемия дапамагала цемра знакамітых і ня вельмі вакалістаў. Першыя дзьве часткі мелі такі добры посьпех, што па закліку фанаў Эпидемия вырашылі зрабіць новую рок-оперу, дзеяньне якой будзе адбываца ва ўсё тым жа сьвеце Эніі.
Адназначна, гэта добрая навіна для ўсіх металхэдаў, але для нас, беларусаў, ёсьць невялічкі сюпрыз. Рок-опера "Сокровища Энии" цяпер расейска-беларуская! Адным з запрошаных вакалістаў стаў наш зямляк Пётр Елфімаў, дастаткова знакаміты чалавек у Беларусі, паведамляе суполка Пятра. Акрамя валоданьня вельмі чыстым і высокім голасам, сьпявак таксама зьяўляецца прафесійным вакалістам, педагогам па вакалу і франтмэнам фармацыі Pitbull. Акрамя гэтага пасьпеў засьвяціцца ў некаторых папсовых конкурсах накшталт шоў “Голас” і “Еўрабачаньне”.
Новы альбом гурта Эпидемия выходзіць у красавіку гэтага году.Чакаем выхаду новага канцэптуальнага твору і рыхтуемся ацаніць уклад нашага земляка!
Сяргей Бохан (Rocker)
0 каментароў