Расплата франтмэна Motorhead "за добры час"

Апублікавана 23 лістапада 2013, 22:04 у Навіны

Апошнім часам здароўе франтмэна Motorhead Lemmy Kilmister'а, было тэмай размоў сярод фанатаў і ня толькі. Лідар гурта Motorhead “паспрабаваў” дэфібрылятар, а таксама пацярпеў ад гематомы. Ён быў вымушаны адмяніць некалькі выступаў у гэтым годзе. У новым інтэрв’ю пан Kilmister адзначае свае праблемы са здароўем як “расплату за добры час” у мінулым.

Відавочна, асабістае здароўе Lemmy Kilmister’а не перашкодзіла выхаду даволі моцнага новага альбома Motorhead, пад назвай Aftershock у кастрычніку. Аднак апошняя адтэрміноўка Motorhead была зь еўрапейскага турнэ, якое было перанесена на 2014 год у сувязі са станам вакаліста/басіста, які «яшчэ не зусім гатовы адправіцца ў шлях».

У нядаўнім інтэрв'ю «New York Times» жывая легенда суаднесла размовы наконт свайго здароўя разам з другімі, амаль легендарнымі размовамі пра жыцьцё Lemmy. «Я сапраўды адчуваю сябе засмучаным» — каментуе пан Kilmister перанос турнэ. «Я ніколі ня буду ўладкоўвацца на працу зноў. Я мяркую, што плачу за добры час у мінулым. Гэта сумесь усіх рэчаў, якія я калі-небудзь рабіў — і зрабіў я шмат».

Ён таксама сьцьвярджае, што калі справа тычыцца алкаголю, рэчыва, вялікім фанатам якога, зьяўляецца франтмэн Motorhead, то ён прытрымліваецца толькі віна ў гэтыя дні.

У яшчэ адным цікавым інтэрв'ю Lemmy Kilmister распавёў пра Зал Славы Рок-н-Роллу. «Ну, я ня быў вельмі ўражаны, калі наведаў гэтае месца. Я маю на ўвазе, што яны запазычылі маю куртку з турнэ „Ace of Spades“ і мае боты, каб памясьціць на дысплей, і я так і не атрымаў іх назад. Яны згубілі гэтыя рэчы».