avatar

Тры новыя відэа ад Motorhead, Airbourne і Lamb of God
Апублікавана у Навіны

Тры дастаткова знакамітых гурта выпусьцілі новыя відэа кліпы за апошнія некалькі дзён. Не пазнаёміць вас зь імі мы не маглі, таму сустракайце відэа ад гуртоў Motorhead, Airbourne і Lamb of God.

Пачнем мы з ветэранаў hard’n’heavy –Motorhead. Новае відэа Motorhead на песьню Heartbreaker, з апошняга альбома брытанцаў Aftershock, магчыма паглядзець пад навінай. Кліп на Heartbreaker уключае ў сябе канцэртныя запісы з цэрымоніі ўзнагарод Metal Hammer Golden Gods гэтага году, якая адбылася ў Вялікай Брытаніі. Відэа таксама складаецца з фрагментаў канцэрта ў Манчэстэры 2010-га года і некалькіх шоў 2011-га года (у тым ліку Rock In Rio, Wacken Open Air Festival і Teatro Caupolicán у Санцьяга, Чылі). Кліп таксама парадуе вас эскізамі мастацтва, створанымі фронтмэнам/басістам Lemmy Kilmister.




Хард рокеры Airbourne нядаўна выпусьцілі новы кліп на песьню Back In The Game зь іх трэцяга альбома Black Dog Barking, які ўжо некалькі месяцаў можна набыць альбо спампаваць. Відэа паказвае кадры з апошніх live-шоў гурта і вы можаце адчуць іх энергію праз гэты новы ролік.



Новы кліп Lamb Of God на стары трэк, а дакладней на Vigil з альбома As The Palaces Burn ужо даступны для прагляду. Гэта не выпадкова, паколькі, як паведамлялася раней гурт перавыдасьць гэты альбом падчас яго 10-годдзя. Альбом павінен выйсьці 11-га лістапада праз Prosthetic/Razor & Tie, гэта юбілейнае выданьне ўяўляе сабой версію As The Palaces Burn 2003-га года з новым мікшырываньнем і мастэрынгам. Lamb Of God ужо зараз пераносяць нас на 10 гадоў назад сваім кліпам Vigil.

0 каментароў

Каб пакінуць каментар