The Unbroken (Vicious Crusade)

У 1998 годзе Vicious Crusade гастралююць па Беларусі, дабіваючыся папулярнасьці ў сотняў новых фэнаў. Летам таго ж году гурт уваходзіць у студыю, каб запісаць другі паўнафарматны альбом — «The Unbroken» (бел. Незламаны). Оперны вакал і арыгінальны фолк-саўнд паказваюць, што гурт канчаткова знайшоў свой стыль. Прэзентацыйны тур альбома пачынаецца ў Маскве і працягваецца ўвесь наступны год.

Расейскі часопіс «Painkiller» ацэньвае альбом «The Unbroken» на пяць балаў зь пяці магчымых (#5, студзень 2000). У пачатку 1999 года найбуйнейшы музычны тыднёвік СНД «Музычная Газета» зьмяшчае гурт на вокладку.

Па выніках беларускай музычнай прэсы Vicious Crusade дабіваецца наступных рэзультатаў:

Па апытаньнях «Музычнай Газеты»:

• Гурт года (Беларусь) — першая пазіцыя;
• Лепшы альбом года — шостая пазіцыя.

Па апытаньнях «М-magazine» (экс-«Legion»):

• Гурт года (Беларусь) — другая пазіцыя;
• Гурт года (СНД) — чыцьвёртая пазіцыя.

Такім чынам, альбом «The Unbroken» становіцца паваротнай вяхой у разьвіцьці гурта і выводзіць яго ў лік лідуючых каманд усёй постсавецкай прасторы.
2000 год адзначаецца выпускам CD-версіі «The Unbroken», якая ўключае 2 бонус-трэкі, а таксама зьменамі ў калектыве: на месца Паўла Рэўнава прыходзіць Сяргей 'Маркус' Адзінец. Акрамя таго, у калектыве паявіўся скрыпач Баграт Вартанян. Vicious Crusade таксама падпісваюць кантракт зь беларускай метал-фірмай Metal Records, якая становіцца ўладаром выключных правоў на выданьне альбомаў гурта. У сьнежні 2000 года гурт выступае ў Кіеве, дзе робіць сапраўдны фурор сярод мясцовай аўдыторыі.