Гуканьне вясны ў Вязынцы (СЭТ)

Апісаньне

Грамадскае аб'яднаньне "Студэнцкае этнаграфічнае таварыства" разам зь Дзяржаўным літаратурным музеем Я. Купалы запрашаюць у Вязынку на Гуканьне вясны ў суботу, 23 сакавіка.
Асноўнае дзеяньне будзе адбывацца з 13:00 да 17:00.

Як заўжды, плануюцца традыцыйныя сьпевы, веснавыя карагоды, гульні і танцы + невялікі кірмашык раместваў. У сьвяце бяруць удзел гурты Княжыч, Варган, Горынь, Guda, Кудмень, Dainava, Паўночная Сухадроўка, клуб традыцыйнага танцу Sita, музыкі Дзяніс Сухі, Стась Чавус, Раман Яраш, Яўген Барышнікаў.

Нашая прынцыповая пазіцыя — не падзяляцца на гледачоў і выступоўцаў падчас сьвята, таму, калі ласка, не саромцеся і далучайцеся. Ладзіцца менавіта звычайнае сьвяткаваньне — тымі і для тых, хто прытрымліваецца беларускага календара, — але не інсцэніроўка для гледачоў.

Для фатографаў: здымаць у нас можна, але ня ў цэнтры карагода, калі ласка, а звонку. Шчыльную здымку ў стылі папарацы таксама лепш нідзе не рабіць. Наогул, мы заклікаем да непасрэднага успрыманьня падзей і да выкарыстаньня жывой, а не машыннай памяці. Дзякуй.

Праезд:
электрычка ў кірунку Маладзечна
зь Менску едзе ў 11:34, прыбывае на ст.Вязынка ў 12:25.
Назад зь Вязынкі можна ехаць у 16:44, 17:43.

Удзел у сьвяце вольны, але для ўваходу на тэрыторыю музея трэ будзе купіць квіток за сімвалічную плату:
дарослыя — 6000 руб,
дзеці — 3500 руб,
студэнты — 4000 руб.

Хлопцы, прыходзьце хто можа, каб у танцах было паменей пар зь дзьвюх дзяўчат! :)

Тэлефоны для даведак:
+37529 7780100
+37529 2752771

Старонка падзеі Ўкантакце:
vk.com/viasna2013

Старонкі СЭТ:
vk.com/ethno_by
by-ethno.livejournal.com