Primordial - Redemtion At The Puritans Hand(2011) Рэцэнзія

Апублікавана 18 траўня 2011, 20:22 у Пясочніца

Primordial — Redemtion At The Puritans Hand(2011)

Нельга казаць, што мне падабаюцца Primordial. Мне падабаецца вельмі малая колькасць іх рэчаў. Гэта я к таму, што гэты іх альбом 2011 году ўсё ж такі трэба паслухаць, нават калі папярэднія іх альбомы не трымаюць вас у напружанасці і не пакідаюць нават аніякага ўраджання.

Новы альбом яшчэ больш эпічны і лірычны чым папярэдні To The Nameless Dead. Гэта 8 трэкаў сапраўдных заклёнаў, бязлітасных, але прыгожых. Бьючых у самае сэрдца. Мабыць, ен будзе гучаць прасцей за астатнія работы гурта. Але, здаецца, ён больш лагічны. Нават, мабыць, больш дарослы. Таксама, голас Алана зрабіўся мацней. Як і раней, ён, быццам магічны, зачароўвае і выклікае мурашэй па спінах і плячах…

Адчыняе альбом вельмі энэргічны, нават, шустры трэк No Grave Deep Enough. Рытмічны, ен бы ўводзіць у нейкі гіпноз, апасля чаго вас расплюшчвае пластом з балючай атмасферы. Вашы грудзі парве гэты магічны музычны вецер, схопіць вашую душу і будзе трымаць увесь трэк. Да што там трэк. Гэтая напружанасць, гэты боль, будзе з вамі увесь альбом. То вы будзеце барахтацца у самым нізе, у бясконцай знойнай цемры, то вас будзе бы ветразем распраўляць на паўночных вятрах, у самым небе. І ўвесь час адзінота.

Primordial вельмі добра перадаюць адчай. Ты ведаеш, што ўсе будзе не зусім так, як ты надумаў. Аніякіх мар. Толькі твар, прыціснуты да аголенага свету. Але, no remorse, no regret.