avatar

Adrenal. "As Paradise Burns" (2011)
Апублікавана у Рэцэнзіі


1. Tangled
2. Pound
3. Con The Verses
4. Schrodinger's Cat
5. Cydonian Lander
6. As Paradise Burns
7. Ashes
8. The Bleakness
9. Adrenal
10. Pareidolia
11. Entropy

Неяак не так даўно рыўся у інтэрнэце ў пошуках чаго-небудзь дужа незвычайнага і зусім новага (не ўсё ж па прагрэсіву вісець) і напароўся на банду з Коста-Рыкі пад назвай Adrenal. Вядома пра яе зусім мала. Мyspace маўчыць, але праз яго мы маем спасылку на афіцыйны сайт (каму цікава www.adrenalcr.com. На мой погляд, сайт бездарны).

Інфармацыі тут таксама нягуста: Adrenal (што ў перакладзе з ангельскай мовы значыць «надпочачнік») былі ўтвораны ў 2006 годзе, тасавалі склад як хацелі і як маглі, і ў 2011 г. такі выпусцілі дэбютнік «As Paradise Burns». Аддалі яго на звядзенне і мастэрынг у Швецыю на студыю Fascination Street, дзе рабілі тое ж самае Opeth, Katatonia і Soilwork.

Стыль яго можна ахарактарызаваць як Melodic death/Death-n-roll. Нічога звышасаблівага: крыху шведскага дэзу, крыху (зусім мала, але ёсць) металкору, крыху рок-н-ролу. Уласна, рок-н-рол музыку і выратоўвае. Ад музла не вароціць — меладычненька так, тэхнічна, прафесійна, але ёсць адзіны нюанс — гэта ўжо дзесьці было. Найбольшай увагі заслугоўвае толькі песня «Cydonian Lander», бо яна сапраўды атрымалася баевіком. Астатняе можна заліваць у плэер як фон падчас якой-небудзь сур'езнай працы — музыка не будзе адцягваць ўвагі сваёй хітовасцю, як гэта маглі б рабіць позні Carcass ці створаны на яго абломках Blackstar…
  • 1439

0 каментароў

Каб пакінуць каментар