avatar

BelMetal: Śvitańnie Zmroku - невялiчкi агляд
Апублікавана у Рэпартажы

Загадзя прашу прабачэння за позняе выйсце артыкула.

І зноў папярэджваю — ніжэй напісанае гэта асабліва асабістае меркаванне аўтара. Хоць і так ведаю, што ў мяне, хутчэй за ўсё, паляцяць стылы, кеды ды туфлі з гэтакім банарам «незадаволены»

20 траўня 2012 г. ў Rocker Bar прайшоў metal-fest «Сьвітаньне Змроку», прысвечаны дню нараджэння сайта BelMetal.org.

У гэты дзень выступалі:

  • Podych Navalnicy
  • Mourning Crimson
  • Moonway
  • Nightsilence
  • Prava Vieta

Нажаль, я не паспела своечасова прыйсці на канцэрт і пачула толькі ўрывак апошняй песні гурта Prava Vieta. Вельмі шкада, вядома.

Як звычайна ў Rocker Bar — сустрэла мяне курыльня са мноствам знаёмых і не вельмі твараў. Прывіталіся, пакурылі. Паслухала пачатак выступу Nightsilence. Сумленна кажучы, неяк большага ад іх чакалася. Прынамсі, я чула і раней іх выступы, але дзіка адчувальнай дынамікі росту нажаль не ўбачыла. Скажам так — усё засталося на ўзроўні: ні ў плюс, ні ў мінус. Пастаяла поруч сцэны, панаглядала. Пад сцэнай тоўпіліся заўсёднікі слэма і моша. Ізноў жа кіпячага запалу выяўлена не было. Прыемна, што Nightsilence шчыра імкнуліся. У цэлым — людзі паводзілі сябе ціха: хтосьці мірна піў «піўка» ў старонцы ці ў бары, хтосьці ўважліва слухаў, было шмат тых, хто проста размаўляў паміж сабой у старонцы.

Увагу ў гэтым разнамасным натоўпе прыцягнулі дзве вельмі прыгожыя дзяўчыны. Як апынулася потым — удзельніцы гурта Mourning Crimson.
Чула я гэты гурт ўпершыню. Не зграшу душой — выступілі яны нават вельмі добра. Прыемна узрадавалi вакалісты. Мужчынскі голас — глыбокі і выкананне прыемнае. Жаночы — звонкі, як святло дзесьці высока ў нябёсах. Шкада толькі, што вакалістку было не вельмі добра чуваць. Ці то ў апаратуры справа…але стваралася адчуванне, што яна проста надрываецца. Да сцэны падцягнуліся прысутнічалыя людзi — паслухаць. Гэта вельмі прыемна.

Наступнымі былі, калі можна так выказацца — «пастаяльцы» ўжо Рокер Бара — "Moon Way". Эх… памятаецца мне іх дэбютны выступ пару гадоў назад…ну і прэзентацыя альбома некалькі месяцаў таму. Чамусьці ў гэты раз гэтакага моцнага драйва не было. Але я з задавальненнем пайшла ды памахала валасамі)) Пацешылася) Узбадзёрылася). «Улыбнул» выкрык побач стаяўшага маладога чалавека — «Паша, я кахаю цябе!!» Хм…Інтрыга як ніяк атрымалася)

Завяршылі вечар Podych Navalnicy. О да…гэта быў шыкоўны выступ. Суладная гралi, неверагодна магутная атмасфера…а які вакал! У любым выпадку пайсці на гэты канцэрт каштавала ўжо дзеля гэтага гурта. А самае галоўнае — выконваліся песні на беларускай мове. (Жадалася б часцей чуць песні менавіта на МОВЕ, што, нажаль, маладыя калектывы практыкуюць не часта). Ад усяго сэрца жадаецца сказаць дзякуй тым, хто застаўся да канца.

У прамежку паміж выступамі паўзу запоўнілі Ян Мачульскi і Гацье. Дзякуй ім) Паспрабавалі развеяць атмасферу. І ў iх гэта атрымалася. Асабліва — калі судзіць па «ахам» і замілаваным вочкам некаторых прадстаўніц мілага полу, якія зачаравана глядзелі на сцэну. Не… ну вядома ж былі і іншыя гукі, як, напрыклад, «хі-хі» ці «гы-гы»… Але як вядома — заўсёды існуе прынамсі два меркаванні.

Усім гуртам, якія выступалі жадалася б пажадаць натхнення i творчых поспехаў. Стварайце, здзейсняйце, імкнiцеся да лепшага. Рабіце Metal! А вось для тых, хто прысутнiчаў на канцэрте ў якасцi слухачоў жадаю заўважыць — падчас мерапрыемства можна не толькі піва піць i смаліць, размаўляючы пра цяжкасцi быцця… (я думаю, мяне зразумеюць). Хоць прызнаюся, што і сціплы аўтар таксама была крышачку грэшная ў гэтым плане.

Гэтак жа BelMetal-y падаваліся падарункі і віншаванні. Добрыя такія падаруначкі, скажам так — не крывячы душой. =)))
Фінал канцэрту ўвогуле быў досыць мілы — гэта групавыя фота на фоне банара і сцэны.

Пра астатнія падрабязнасці і пасляслоўі канцэрту гісторыя замоўчвае і захоўвае таямніцу… тссс!

P.S.: C Днём народзiн BelMetal!!!

1 каментар

Каб пакінуць каментар