Гурт Re1ikt выпусьціў другі канцэртны DVD
Апублікавана
у
Навіны
Беларускі гурт Re1ikt папоўніў сваю дыскаграфію новым рэлізам. Музыкі выпусьцілі другі live-DVD пад назвай «Крыгаход» («Kryhachod»). Гэты рэліз быў упершыню прадстаўлены публіцы на польскім опэн-эйры Halfway Festival, дзе Re1ikt выступалі разам з такімі зоркамі як Woven Hand, Гайдамакі, Вася Абломаў і інш.
Асновай для відэа стаў канцэрт-прэзентацыя альбома Re1ikt «Рэкі прабілі лёд», які прайшоў у менскім клубе Re:Public 30 кастрычніка 2011 года.
Над стварэньнем DVD працавалі бубнач і лідар гурта Аляксандр Дземідзенка і відэадызайнер Al Medwedsky (Санкт-Пецярбург).
Аляксандр Дземідзенка аб DVD «Крыгаход»: «Мы шмат працавалі над гэтым DVD, прыклалі максімум намаганьняў да яго стварэньня. Таксама вырашылі выкарыстаць дастаткова арыгінальнае для нашых шырот афармленьне дыска. Вокладкі былі надрукаваныя на пакавальнай паперы, мы іх выразалі, седзячы на кухні. Поўны D.I.Y. Робім тое, што нам падабаецца».
Як бонус на дыску зьмяшчаюцца ўсе відэакліпы Re1ikt.
0 каментароў