avatar

Solarward працягвае дзейнасьць
Апублікавана у Навіны

SolarwardЁсьць такі ансамбль, гісторыя якога налічвае ўжо болей за 10 гадоў. Гурт дастаткова паважаны, вядомы сваім жыцьцём у стылі «драйв і ўгар». Пра сябе музыкі пішуць «Фармацыя прагрэсіўных, у меру пітушчых (а нехта нават і ня паліць), пазітыўных сталічных людзей з гораду-героя Менску, якія зрэдку граюць рок».

Але ж апошні час нешта ані канцэртаў, ані навінаў.

Паўтара месяца таму беларуская метал-сцэна разьвіталася зь Сяргеем «Gres» Дупленкам, вакалістам Solarward, гукарэжысёрам шматлікіх андэграўндных мерапрыемстваў, увогуле дзеячам, які любіў сваю справу і рабіў яе добра. Ён памёр 21.03.2015.

Solarward

Аднак надоечы на сваім сайце Solarward паведамілі аб выхадзе новай песьні. З такім каментаром:

Да наступных буйнамаштабных альбомных дзеяньняў яшчэ сто вёрст, ды й тыя ўсе лесам, але трэба ж і варушыцца хаця б трошкі, хоць апошнія падзеі варушэньню зусім і не спрыялі. Як уэлсаўскія марсіяне сядзелі ў сваёй яме, утойліва нешта там калупаліся, а вакол толькі дым і выбліскі, вось так і мы. Нарэшце, вылезла вось такая пачвара.

Песьню «Eyeless» можна паслухаць на Bandcamp'е або ў гурта.

SolarwardВакальныя абавязкі ўзяў на сябе гітарыст Аляксей Кандраценка.

— З нагоды выхаду новай песьні хачу спытаць: а што цяпер будзе з Соларвардам? Якія рэаліі?

Нічога такога з Соларвардам, толькі што ад канцэртаў пакуль што адмаўляемся, спрабую сьпяваць і граць адначасова, на ўсякі выпадак, а так як што — дык Шчупака (ID:Vision, Infestum — заўв.рэд.) паклічам, усё роўна тых канцэртаў у нас і раней было раз у год, а цяпер дык і таго менш…

— Значыць, будуць канцэрты?

Пытаньне часу. А так чаму ж не.


Вось такія навіны зь беларускай метал-сцэны.

0 каментароў

Каб пакінуць каментар