avatar

Каляды ў стылі Slayer
Апублікавана у Навіны

Новы год разам з Кадядамі ўжо сьпяшаюцца да нас, і мы іх зь нецярпеньнем чакаем! Наступная навіна прынясе з сабой крышку гэтай цудоўнай атмасферы! Ды й хто сказаў, што Новы год ня можа быць у стылі метал?!

Мабыць, гэта адно з самых лепшых калядных сьветлавых шоў у стылі метал. Аўтар гэтай цікавай рэчы аддае даніну аднаму з заснавальнікаў SlayerJeff’у Hanneman’у. Фанат зрабіў фенаменальнае сьветлавое шоў, з выкарыстаньнем урыўкаў песень Slayer, такіх як Hell Awaits, Angel of Death, War Ensemble, Raining Blood і New Faith.

Задумка вельмі добрая, так давайце паглядзім на выкананьне. Два дэманічных сьнегавіка, Санта-Клаўс, які грае на гітары, эльф у ролі драмера, дзьве вялікія «Казы», зорныя палачкі і нават дрэва, якое выпраменьвае сьвятло і малюнкі. Дрэва зьяўляецца самай дзіўнай часткай шоў, яно запальваецца ў форме гітары, на ім зьмяняюцца ўзоры і нават тэкст. У патрэбны час, дрэва пакажа надпісы Slayer, Bang Your Head, Hanneman і Merry Metal Christmas.

Нік на youtube.com стваральніка гэтага цуда — Slayer Bob і ён піша: “Гэта было натуральным кашмарам! Некалькі месяцаў падрыхтоўкі, мая жонка мяне ненавідзіць і ў мяне прыбавілася некалькі сівых валаскоў! Спадзяюся ўсё гэта было нездарма!”

Стваральнік метал-казкі, таксама дадае: «Я працаваў увесь год над калядным шоў і планаваў зрабіць гэта для некалькіх гуртоў, але у сувязі са сьмерцю Jeff’a Hanneman’a я павінен быў зрабіць толькі адно і аддаць даніну памяці гітарысту Slayer. У меня было дастаткова часу, каб зрабіць нешта цікавае і вельмі якаснае. Спадзяюся, што мая праца спадабаецца ўсім аматарам металу, і асабліва Jeff’у.

Паглядзець гэтае цікавае шоў можна ўнізе, а таксама азнаёміцца зь іншымі працамі Slayer Bob’a. Прыемнага прагляду і з надыходзячым!



Сяргей Бохан (Rocker)
  • 1422

0 каментароў

Каб пакінуць каментар