Апісаньне

13 мая 2010 года вакаліст Lesley Knife абвясьціў пра ўзьяднаньне GODS TOWER.
Мы прыйшлі. Мы тут. Мы Gods Tower!

Наш гурт зьявіўся больш чым 20 гадоў таму, яшчэ ў аганізуючым Савецкім Саюзе. Мэта наша была ясная — граць добры метал. Спачатку мы шукалі і стыль, і назву, але вось у 1992-м мы сталі тымі, кім зьяўляемся цяпер. Мы Gods Tower. І граем гаручую сумесь класічнага хэві, фолк і дум метала, усё гэта створана на аснове беларускай народнай музыкі. Гітарыст Аляксандр Уракаў, адзін з заснавальнікаў Gods Tower, у свой час распрацаваў дзіўны і унікальны стыль ігры на гітары, які імітуе гук дуды і жалейкі. Паганская тэматыка і гэтая манера выкананьня сталі падмуркам, на якім мы пачалі будаваць нашу вежу. У 90-я мы выпусьцілі два пасьпяховых альбомы, заваявалі званьне лепшага метал-гурта Беларусі назаўсёды! Мы выступалі далёка за межамі і ўсюды пасьпяхова. Пры гэтым мы ўсяго гэтага дамагліся амаль самі, не падлучаючы афіцыйныя або карпаратыўныя структуры. Gods Tower практычна на пустым месцы стварыў свой ​​андэграўнд, які стаў потым стартам для многіх.

На жаль, гурт ня вытрымаў унутраных рознагалосьсяў і распаўся ў пачатку гэтага стагодзьдзя. Праз год ад мноства негатыўных фактараў памёр гітарыст і стваральнік музыкі Аляксандр Уракаў. Час для нас застыў.



Але імя і музыка гурта працягвалі жыць незалежна ад нас, хацелі мы таго ці не. Людзі куплялі нашыя дыскі, якія выпускаліся дадатковымі накладамі, насілі майкі з нашымі лагатыпамі, спампоўвалі нашу музыку і абмяркоўвалі нас у інтэрнэце. Музыкі, якія працягвалі нашу справу і пасьлядоўнікі зусім іншых музычных напрамкаў рабілі каверы, выдаваліся альбомы-трыб'юты, праходзілі канцэрты. Мы сышлі ў цень, але сьвет не жадаў нас адпускаць.

І тады мы адважыліся на рызыкоўны крок. Мы абвясьцілі пра ўз'яднаньне. Сумняваючыся ў пасьпяховасьці гэтай справы, мы ўзялі на месца ўнікальнага Ўракава яго вучня, таварыша і паплечніка — Зьміцера Лазарэнку, гітарыста, які змог асэнсаваць і паднесьці па-свойму нашу музыку. Gods Tower у абноўленым выглядзе даў шэраг канцэртаў. Мы не зьбіралі стадыёнаў, але на нашы канцэрты прыйшлі людзі розных пакаленьняў і ўсе яны былі шчасьлівыя. Гэтыя людзі чакалі Gods Tower ўсе гэтыя 10 гадоў, і яны яго атрымалі! Мы не расчаравалі іх!

Gods Tower выпусьціў новы альбом. Кожны наш канцэрт зноў становіцца падзеяй, і насуперак песімістычным прагнозам мы выходзім на іншы віток разьвіцьця.

Аднак, праз два гады плённага супрацоўніцтва Зьміцер Лазарэнка нечакана пакінуў каманду, не тлумачачы прычын свайго ўчынку. Яго зьмяніў Віталь Абрамовіч, гітарыст, вядомы па сваёй працы з гуртамі «Neuro Dubel» і «Weeping Twilight». Дэбют адбыўся летам 2012-га года, і ён не расчараваў музыкаў і іх прыхільнікаў. Гурт працягвае свой ​​шлях.

Вышэй і бліжэй да Сонца!
Мы прыйшлі. Мы тут. Мы Gods Tower.

СКЛАД 2010:

Юры Сіўцоў — бас, бэк-вакал;
Уладзіслаў Сальцевіч — ударныя;
Зьміцер Лазарэнка — гітара;
Зьміцер Аўчыньнікаў — клавішныя, бэк-вакал;
Лесьлі Найф — вакал.

СКЛАД 2012:

Юры Сіўцоў — бас, бэк -вакал;
Уладзіслаў Сальцевіч — ударныя;
Віталь Абрамовіч — гітара;
Зміцер Аўчыньнікаў — клавішныя, бэк-вакал;
Лесьлі Найф — вакал.

ДЫСКАГРАФІЯ:

CHEMICAL WARFARE:

«Demolition Tape» (1992, Demo)

GODS TOWER:

1992 demo “Demolition Tape”
1993 demo “The Eerie”
1994 demo “Canticles”
1995 promo “The Turns”
1997 MC “The Turns” (Mordid Noizz)
1997 video “Twilight Lives 94-97”
1998 CD/MC “The Turns” (MetalAgen)
1998 CD/MC “The Eerie” (MetalAgen)
1999 CD «Ebony Birds» (Sturmesflugel/Prophecy)
2001 CD «Abandon All Hope» (Eternal Art/MetalAgen)
2004 2CD «The Anthology» (Soyuz/MetalAgen)
2005 CD «The Greatest Arrows» (Go Records/Moon Records)
2005 2CD Tribute To GODS TOWER «The Guard Of Gods Tower (БМА)
2011 CD „Steel Says Last“ (Mazzar/Rok Musicl/Go-records)