Архітэктура Беларусі вачыма N.

Апублікавана 1 сьнежня 2012, 22:41 у Падарожжы

Дарога сама ведае, куды прывесці вандроўніка. Я свята веру ў гэта, таму звычайна не шкадую, калі пад час маіх кароткіх падарожжаў штосьці ідзе не так, як планавалася спачатку, шляхі блытаюцца, кірункі змяняюцца, альбо мне ў галаву раптам прыходзіць шалёная думка ці вяртацца, ці, наадварот, перці наперад ў навальніцу. Я аддаюся волі Дарогі, скараюся перад магутнасцю вісцэральнага пачуцця – і яна заўжды ўдзячліва надае мне шанс пабачыць нейкія архітэктурныя ці прыродныя дзівосы, аб існаванні якіх я б іншым чынам ніколі б не даведалася…

Магчыма, гледзячы на фотаздымкі і чытаючы кароценькія нарысы пра мае падарожжы па Беларусі, некаторыя з вас таксама пранікнуцца пачуццем шчырае любові і павагі да нашай Радзімы і вырашаць сваімі вачыма пабацычь усе гэтыя архітэктурныя дзівосы. Бо нельга, чуеце, не можам мы забыцца на гэткія каштоўнасці, дазволіць скарацечнаму часу і сваёй жа неберажлівасці і абыякавасці пазбавіць сябе саміх і сваіх паслядоўнікаў магчымасці назіраць маляўнічыя краявіды, прыязжаць у гасцінныя, невялічнкія вёскі і наведваць прынамсі занядбалыя, але па-ранейшаму велічныя руіны спусцелых замкаў і палацаў…

vk.com/architekture