avatar

Gronibard – хто сказаў, што grind гэта не мастацтва?
Апублікавана у Пясочніца


Калі на вуліцы заўжды пахмурна і сонца не свеціць, калі ў жыцці праблемы, з працы зволілі, дзяўчына кінула, а з хаты вось-вось выганяць, то ў вас ёсць некалькі шляхоў:
1. забухаць
2. застрэліцца
3. адшукаць у сябе на кампьютары пару альбомаў французскай групы “Gronibard”, узняць сабе настрой і пачынаць наладжваць жыццё.


Gronibard” (фр. “Вялікія сіські”) – гэта адзін буйны порна-грайнд сцёб над рэальнасцю, наскрозь прасякнуты нянавісцю да ўсяго на мяжы ідыятызму. Кароткія спевы, характэрныя для стылю, з даведзенымі да крайнасцямі пародыямі нікога не пакінуць абыякавымі.

Імёны ўдзельнікаў гавораць самі за сябе:
Вакал: Anal Capone
Гітара: P'tite bite (фр. “маленькі член”)
Гітара, вакал: Necronembourg
Бас: Albatard
Барабаны: Godemichel

У арсенале групы на сённяшні момант ёсць тры альбомы, два спліты і два ўдзелы ў альбомах-трыб’ютах:

Gronibard (2001)


Gorerotted / Gronibard / Gruesomestuff Relish «Split Your Guts Vol 1. (Split)» (2002)


Tribute to Gut (2003)


Satanic Tuning…Club (2004)


We Are French Fukk You (2008)


Tribute To Last Days Of Humanity (2009)


Gronibard / Anal Penetration (Split) (2010)
Музычны матэрыял выражае здзек не толькі над рэчаіснасцю з порна-гайнд пазіцый, але яшчэ і з металічнай сцэны ўвогуле. Каверы на блэкавы “Belenos” “Mort Fondu Savoyarde” і на грайндавыя “Gut” “Cripple Bitch” і “Anal Cunt”“Sublime Cadaveric Decomposition is Gay” несумненна заслугоўваюць увагі.

З лірычнай складаючай групы усё зразумела. Спявае яна на роднай французскай мове, таму ўсім, хто яе не ведае, шмат чаго застаецца за завесай таямніцы. Хаця слова “anus” дазваляе рабіць сякія-такія здагадкі.

Апошні пакуль паўнафарматны альбом “We Are French Fukk You”, запісаны ў 2008 г., яшчэ раз пацвердзіў статус “Gronibard” як культавай грайнд фармацыі, якая пайшла па шляху эпатажнага Сэта Путнама. Тым не менш, на дзіцячы ранішнік групу ніколі не паклічуць, нават калі яна зменіць канцэпцыю ў бок татальнай рамантыкі ў духу «Tu Ressembles A L'amour”. Застаецца толькі чакаць, што гэтая прыгожая банда прыдумае яшчэ.

Жывыя выступы — гурта гэта асобны параграф іх дзейнасці. Бухія ў дупу і апранутыя ў жаночую бялізну, альбо ўвогуле голыя, музыканты вытвараюць на сцэне адавы чад куцяжу, напрыклад. Музычная помесь “Gut”, “Impetigo” і “Anal Cunt” як нельга лепей падыходзіць для іх іміджу, даводзячы такім чынам гратэск да ступені абсалюту.
  • 1697

0 каментароў

Каб пакінуць каментар