avatar

Гуканне вясны ў Вязынцы 24 сакавіка 2012 (7520) г.
Апублікавана у Пясочніца

афіша гукання вясны 2012Запозна пішу гэта, але раптам хто паспее прачытаць ды захоча прыйсці.
У суботу (заўтра), 24 сакавіка Студэнцкае этнаграфічнае таварыства разам з Дзяржаўным літаратурным музеем імя Янкі Купалы ладзяць гуканне вясны.
Адбывацца будзе на тэрыторыі згаданага музея — гэта каля чыгуначнай станцыі «Вязынка», як ехаць цягніком Менск — Маладзечна.
Пачатак недзе ў 12.30, але я пад'ехаў бы раней.
Кірмаш рамесніцкіх вырабаў будзе працаваць з 11.30.

Упэўнены, што беларусы проста ПАВІННЫ збірацца на такія святы.
Варта ехаць туды нават толькі каб пачуць гукальных песень — яны, мо, самыя прыгожыя з нашага фальклёру.

Дарэчы, гэтымі днямі наступае паганскі новы год — першы маладзік пасля веснавога раўнадзенства, так што час няпросты. =)
Калі хто пойдзе, прашу не быць агрэсіўнымі фатографамі, лепш запамінайце вобразы жывой памяццю.

Агулам інфармацыю пра некаторыя мерапрыемствы этнаграфічных суполак, а таксама матэрыялы па традыцыйнай культуры можна глядзець тут:
by-ethno.livejournal.com

UPD. Перакінуў з каментара (заўв. deputydeath )


На вялікі рэпартаж, на жаль, няма часу.
Магу сказаць, што дзень там быў цудоўны надвор'ем, а людзі ўсмешкамі.
Людзей было шмат; калі мы ўбачылі, колькі народу йдзе з цягніка, у нас трохі сківіцы адвіслі.

У выніку — такога вялікага карагоду я яшчэ не бачыў. (Праўда, на фотках самых маштабных момантаў я так і не знайшоў.) Калі так шмат людзей трымаюцца за рукі, разам пяюць і адзін аднаму ўсміхаюцца (амаль як дуркаватыя =) ), узнікае вялікае пачуццё яднання. Прычым гэта яднанне не супраць чагосьці, а ЗА штосьці.
Плюс, што мне спадабалася, не было канфліктаў, не было п'яных, акрамя хіба аднаго дуркаватага… металіста. =)))



Але ўсім мужыкам можна выказаць вымову за тое, што на танцах палова пар была дзеўка + дзеўка, бо хлопцаў ці то мала, ці то іх праз ляноту не выцягнуць на танец, ці то яны сарамлівыя. =) Так што хай belmetal наступным годам падправіць сітуацыю.


Фотарэпартажаў некалькі, вось спасылкі:
vk.com/album-7236867_154650739
vk.com/album-36245121_154647747
kraj.by/molodechno/galery/naselyonnie-punkti/molodechno/gukanne-vyasni-vyazinka-24-03-2012-g/
begunkova.blogspot.com/2012/03/blog-post_25.html
kp.by/photo/39457/1585001/
news.21.by/culture/2012/03/24/489815.html


UPD 2012.03.27, 19.55


І вось яшчэ з'явілася тутбаеўскае інтэрв'ю з сябрамі СЭТ па выніках гукання.
Хто не ў тэме традыцыйнага светагляду, глядзець абавязкова. Шмат дактрынальнай інфармацыі.
news.tut.by/otklik/280979.html

4 каментара

avatar
Шкада не змагу наведаць дадзенае мерапрыемства з-за планаў :(
Але вельмі разлічваю ўбачыць на рэпартаж з месца падзей :))) Калі не будзе цяжка, адпішысь потым.
avatar
Дзякуй Horn . Крыху аднавіў топік. (Бо ня трэба ў каменты пісаць працягі думкі)
avatar
Добра.
Толькі я падумаў, што калі проста абнаўлю допіс, то ты аніяк гэтага не заўважыш, калі наўмысна не праверыш.

Дадаў яшчэ спасылку на інтэрв'ю сяброў на тутбай.
Каментар быў выдалены
Каб пакінуць каментар