Borknagar - Urd (2012)

Апублікавана 26 сакавіка 2012, 11:54 у Рэцэнзіі

Вось мы і дачакаліся новага, дзявятага студыйнага поўнафарматніка ад нарвежскіх прагрэсіўных вікінгаў Borknagar! Не гледзячы на тое, што афіцыйны рэліз быў запланаваны на 26 сакавіка, у гэтых вашых інтэрнэтах яго можна было запампаваць ўжо за два тыдні да гэтай даты, што я і зрабіў. І не пашкадаваў. Я чакаў гэты альбом і ведаў, што ён будзе выдатны, але каб настолькі… Для фанатаў творчасці містэра Вортэкса не сакрэт, што ён зноў вярнуўся ў склад на басс і вакал. Так, цяпер яны спяваюць разам з Вінтэрзоргам, што спалучаецца вельмі і вельмі крута, што ўжо тут скажаш, галасы ў абодвух хвацкія. Музыка… Яна зачароўвае з першых нот, што зрэшты і не дзіўна, выдатны касмічны рок. Альбом выйшаў выдатным, яго хочацца слухаць і слухаць, і ён не надакучае. Хто яшчэ не азнаёміўся з творчасцю гэтага калектыва — настойліва рэкамендую гэта зрабіць.