"Beer Bear - Мёд" 2010. Рэцэнзія
Апублікавана
у
Рэцэнзіі
Першы паўнафарматны альбом расейскага гурта Beer Bear «Мёд» — гэта такі ўсходні, рускі адказ Эўропе на шматлікія фолк ды вайкінг банды. Ня трэба цурацца — гэта не лубяны мітол з бабулькамі ды не «высокадухоўныя» напевы ў духе «калінаў мост» ці шчэ чаго кшталту любэ з дысторшнам ды дудкамі. Сапраўдны паўночны белы фолк!
Па першае — вокладка! Канцэпцыя гурта такая, што ў ім амаль няма ваяўнічага пафасу ці «о-вялікі-дуб» ідэяў. Замест — здаровы гумар. Фолк гэта вяселая, святочная музыка — таму і вокаладка вельмі вясёлая, нават казачная. Дарэчы — маляваная, аніякіх вам фатаздымкаў.
Усё круціцца вакол мядзведзяў ды іншых лясных жывел, якія твораць угар. Вунь буры мядзведзь грукае ў бубен, белы стучыць па бочцы, рыжы ліс дуе ў дудку, а воўк, здаецца, грае на скрыпцы. Нават панда ёсць. З балалайкай)
Гук падаецца не вельмі тлустым. Не хапае моцы гітарам, бо на першы план выведзены фолк інструманты. Важную ролю адыгрывае дрымба — яна, здаецца, ёсць ва ўсіх песнях і амаль ніколі не ўціхае. Наконт вакалаў — аніякіх пытанняў. На кожны густ вам і чыстыя і зусім блэкавыя(дарэчы, сайд праэкт гэтых мядзьвежых фолкераў — блэк метал гурт ТОПЬ). Мясцова песні наганяюць нуду, але ў большасці альбом набіты цікавасцямі.
Апошняя песьня — сапраўдны сурпрайз. Трольхаммарэн на расейскай мове!
Жыве Бір-Бер!
2 каментара