Deathbringer, Psilocybe Larvae у Берасьці 23.02.13

Апублікавана 27 лютага 2013, 03:45 у Рэпартажы

Можна было напісаць вельмі проста, што ўсе прайшло нармальна, але…

…За дзень да гэтага ў Менску і сапраўды ўсе было прыемна ды на ўзроўні: хэдлайн, супорт і іншае. Берасьцеская аўдыторыя ня вельмі добра сустракала гурты, якія гэтак жа і адыгралі. Бо як высьветлілася падчас мерапрыемства, умовы для выступу былі аніякія, што тычыцца гуку ды ўсяго астатняга, патрэбнага для добрага выступу. Улічваючы яшчэ тое, што канцэрт пачаўся а пятай гадзіне ўвечары і скончыўся крыху пазьней за дзявятую… Кали б не дыскатэка апасьля (халера яе...). Шкада. З-за гэтага гурту D-tails не хапіла часу ня тое што пару сваіх песень зыграць, але і проста выйсьці на сцэну. Таму яны падчас саудчэку(якога ў их не было) вырашылі пайсьці прэч. Ліміт часу(ізноў халера на яго)… што нагадала больш ранешнік, чым метал імпрэзу.

Шкада, што ў Берасьці такія мерапрыемствы праводзяцца ня так, як ў сталіцы ці ў тым жа Гомелі. Падысьці да гэтага можна было з большай актыўнасьцю. Аб якіх яшчэ канцэртах у будучыні тут можна разважаць… Такім чынам, цьвердая “чацьвёрка” зь дзесяці па наведвальнасьці і актыўнасьці гледачоў. А ва ўсім вінаваты чалавецкі фактар. Я скончыў. Лайно здараецца. Але ж гурты зрабілі што здолелі зрабіць. Збольшага ўсё было добра ды прыемна!

P.S. Дзякуй гуртам-хэдлайнерам і местачкоўцам SandGlass і Wolfshade, а таксама вакалеру гурта Disane за выступ з сэндгласаўцамі. Арганізатары таксама зрабілі тое, што здолелі. Асаблівае пажаданьне да крытыкаў, якія абавязкова зьявяцца — прыходзьце на канцэрты і падтрымлівайце гурты ня седзячы зь півам ды павольна гледзячы, а накіраваўшыся да сцэны – гуртам гэтага не хапае. Асабліва калі гурты такога ўзроўню, як было ў гэтую суботу. А ў Менску было людзей на чвэрць менш… А вось прыклад, як трэба сустракаць гасьцей і шанаваць сваіх Deathbringer, Psilocybe Larvae у Менску 22.02.13