Halloween у Замку '2012
Апублікавана
у
Рэпартажы
206 Фота
У ноч з 27 на 28 кастрычніка ў Рыцарскім замку «Ritterburg» прайшоў стаўшы ўжо традыцыйным фестываль ”Halloween”. І першае, што трэба адзначыць, гэта тое, што ў параўнаньні зь леташнім, гэты адрозьніваўся колькасьцю людзей, якіх было значна менш, што было і добра, у тым сэнсе, што не было таўкатні і розных момантаў да гэтага даданых.
Ня гледзячы на тое, што і надвор’е ня моцна спрыяла паездцы ажно пад Астрашыцкі гарадок, дык яно яшчэ і на ўвесь вечар ды ноч. Былі некаторыя цяжкасьці з аўтобусам, які арганізатары спецыяльна замовілі для дастаўкі жадаючых трапіць на буйны фэст… Але ж пакінем гэтыя пытаньні тым, хто чытаў старонку ўкантакце, прысьвечаную гэтай падзеі. Адзначу, што далёка не ўсе, хто хацеў прыехаць ў назначаны час, трапілі. А некаторыя і зусім кінулі гэтую ідэю і раззлаваўшыся паехалі дамоў… Таму менавіта і было людзей адносна няшмат. Але ж хто хацеў прыехаць, той прыехаў.
Людзі парадавалі яскравымі, болей таго фантастычнымі ідэямі, якія рэалізавалі ў сваіх касьцюмах, што вочы ажно разьбягаліся ад гэткай прыгажосьці тых «жахаў». Было багата людзей, якія зьмянілі звычайнае адзеньне на касьцюмы розных персанажаў фільмаў, кампутарных гульняў, шмат было ў выглядзе вампіраў (як заўжды) і інш. Рэалізацыя розных ідэй цешыла вока — усё гэта можна пабачыць у фотааглядзе, што будзе значна лепей за словы.
Арганізатары ў сваю чаргу прапанавалі прыемны настрой і пазітыў. З новаўводзінаў гэтага Хэлавіна быў дадатковы DJ Hall, у якім прыхільнікі рознай т.з. электроншчыны маглі адвесьці душу і добра патанчыць… Таксама у гэты час праводзіліся і іншыя мерапрыемствы ў розных кутках замка, як то выступ гуртоў, які адбыўся у канцэртнай зале на другім паверсе, побач з утульным барам.
Але ж, як то адбываецца звычайна, пачатак адцягнулі болей чым на гадзіну. У канцэрце прымалі ўдзел гурты Kaltherzig, Aillion, Hok-Key, Irdorath, Znich і Artefact. Вядоўцам канцэрту быў абраны Аляксандр Літвінскі, аўтар радыё-шоў ”Massa Brutto”, які паміж выступамі гуртоў праводзіў розныя конкурсы.
У дыджэйскай зале, якая зьмяшчалася адразу ля ўвахода, каманда ”Территория позитива” прапанавала свой варыянт правядзеньня часу. Некаторыя маглі прыемна адпачыць ад музыкі ў пакоях, якія можна было забраніраваць, загадзя патэлефанаваўшы арганізатарам. Можна было адпачыць і ва утульнай, цёплай каміннай зале, дзе таксама быў бар са смачнымі стравамі ды напоямі. Трэба заўважыць, што ў гэтым годзе назвы страваў засталіся звычайнымі, у параўнаньні з тымі, што ім давалі летась. Асабіста я сумаваў па іх. Калі ўжо параўноваць, то трэба адзначыць і тое, што зь меньшай колькасьцю натоўпу адсутнічалі з большага і неадэкватныя асобы, але ўсё ж бяз іх, вядома, не абышлося.
Таксама ўвесь вечар і ноч дзейнічаў так званы “фотакуток”, дзе ўсе жадаючыя маглі пастаяць перад аб’ектывам фатографа Віталя, які зь вялікім задавальненьнем рабіў здымкі на працягу вечара і амаль ўсю ноч. Дадаваў каларыту сваім вогненным шоў таксама і гурт «Маори».
Карацей, той, хто прыйшоў, ніколькі не пашкадаваў аб гэтым, ня гледзячы на кошт квітка і ўсялякія цяжкасьці. Я й сам ня ведаў, куды падацца, бо паўсюль недзе-штосьці абывалася… Канцэрт у адной зале, у каміннай — спакой і адносная цішыня. Вогнішча на пляцоўцы перад замкам. І навокал шмат людзей, апранутых у нешта неверагоднае — нібыта ў нейкую казку трапіў! Сітуацыя з аўтобусам і шэраг іншых недахопаў усё ж не перашкодзілі тым, хто прыйшоў сапраўды добра правесьці час. Ня глядзячы на тое, што казалі розныя зласліўцы, напраканцы ад сябе асобна дадам: Арганізатары малайцы, працягвайце далей, а тыя, хто не разумее некаторых элементарных нормаў паводзінаў — цудакі на літару «м». Трэба больш сачыць за сабой і заўважаць тых, кто побач з вамі! Гэта было прыгожае мерапрыемства, якое аблілі ў выніку лайном самі ж тыя, хто тым самым лайном і быў паводле сваіх поводзінаў. Самі ж забрудзілі ўсё вакол сябе і робяць выгляд, што таго не было, а было так, і ніяк інакш! Усім прамені дабра!
Рэцэнзія, фота: GotieRipper
Рэдактура: Christian
Ня гледзячы на тое, што і надвор’е ня моцна спрыяла паездцы ажно пад Астрашыцкі гарадок, дык яно яшчэ і на ўвесь вечар ды ноч. Былі некаторыя цяжкасьці з аўтобусам, які арганізатары спецыяльна замовілі для дастаўкі жадаючых трапіць на буйны фэст… Але ж пакінем гэтыя пытаньні тым, хто чытаў старонку ўкантакце, прысьвечаную гэтай падзеі. Адзначу, што далёка не ўсе, хто хацеў прыехаць ў назначаны час, трапілі. А некаторыя і зусім кінулі гэтую ідэю і раззлаваўшыся паехалі дамоў… Таму менавіта і было людзей адносна няшмат. Але ж хто хацеў прыехаць, той прыехаў.
Людзі парадавалі яскравымі, болей таго фантастычнымі ідэямі, якія рэалізавалі ў сваіх касьцюмах, што вочы ажно разьбягаліся ад гэткай прыгажосьці тых «жахаў». Было багата людзей, якія зьмянілі звычайнае адзеньне на касьцюмы розных персанажаў фільмаў, кампутарных гульняў, шмат было ў выглядзе вампіраў (як заўжды) і інш. Рэалізацыя розных ідэй цешыла вока — усё гэта можна пабачыць у фотааглядзе, што будзе значна лепей за словы.
Арганізатары ў сваю чаргу прапанавалі прыемны настрой і пазітыў. З новаўводзінаў гэтага Хэлавіна быў дадатковы DJ Hall, у якім прыхільнікі рознай т.з. электроншчыны маглі адвесьці душу і добра патанчыць… Таксама у гэты час праводзіліся і іншыя мерапрыемствы ў розных кутках замка, як то выступ гуртоў, які адбыўся у канцэртнай зале на другім паверсе, побач з утульным барам.
Але ж, як то адбываецца звычайна, пачатак адцягнулі болей чым на гадзіну. У канцэрце прымалі ўдзел гурты Kaltherzig, Aillion, Hok-Key, Irdorath, Znich і Artefact. Вядоўцам канцэрту быў абраны Аляксандр Літвінскі, аўтар радыё-шоў ”Massa Brutto”, які паміж выступамі гуртоў праводзіў розныя конкурсы.
У дыджэйскай зале, якая зьмяшчалася адразу ля ўвахода, каманда ”Территория позитива” прапанавала свой варыянт правядзеньня часу. Некаторыя маглі прыемна адпачыць ад музыкі ў пакоях, якія можна было забраніраваць, загадзя патэлефанаваўшы арганізатарам. Можна было адпачыць і ва утульнай, цёплай каміннай зале, дзе таксама быў бар са смачнымі стравамі ды напоямі. Трэба заўважыць, што ў гэтым годзе назвы страваў засталіся звычайнымі, у параўнаньні з тымі, што ім давалі летась. Асабіста я сумаваў па іх. Калі ўжо параўноваць, то трэба адзначыць і тое, што зь меньшай колькасьцю натоўпу адсутнічалі з большага і неадэкватныя асобы, але ўсё ж бяз іх, вядома, не абышлося.
Таксама ўвесь вечар і ноч дзейнічаў так званы “фотакуток”, дзе ўсе жадаючыя маглі пастаяць перад аб’ектывам фатографа Віталя, які зь вялікім задавальненьнем рабіў здымкі на працягу вечара і амаль ўсю ноч. Дадаваў каларыту сваім вогненным шоў таксама і гурт «Маори».
Карацей, той, хто прыйшоў, ніколькі не пашкадаваў аб гэтым, ня гледзячы на кошт квітка і ўсялякія цяжкасьці. Я й сам ня ведаў, куды падацца, бо паўсюль недзе-штосьці абывалася… Канцэрт у адной зале, у каміннай — спакой і адносная цішыня. Вогнішча на пляцоўцы перад замкам. І навокал шмат людзей, апранутых у нешта неверагоднае — нібыта ў нейкую казку трапіў! Сітуацыя з аўтобусам і шэраг іншых недахопаў усё ж не перашкодзілі тым, хто прыйшоў сапраўды добра правесьці час. Ня глядзячы на тое, што казалі розныя зласліўцы, напраканцы ад сябе асобна дадам: Арганізатары малайцы, працягвайце далей, а тыя, хто не разумее некаторых элементарных нормаў паводзінаў — цудакі на літару «м». Трэба больш сачыць за сабой і заўважаць тых, кто побач з вамі! Гэта было прыгожае мерапрыемства, якое аблілі ў выніку лайном самі ж тыя, хто тым самым лайном і быў паводле сваіх поводзінаў. Самі ж забрудзілі ўсё вакол сябе і робяць выгляд, што таго не было, а было так, і ніяк інакш! Усім прамені дабра!
Рэцэнзія, фота: GotieRipper
Рэдактура: Christian
0 каментароў