Helloween і Gamma Ray у Менску

Апублікавана 1 чэрвеня 2013, 14:24 у Рэпартажы

Адна з самых доўгачаканая імпрэзаў гэтага сезону адбылася напраканцы вясны, 30 траўня ў Канцэртнай зале «Менск». Легенды, якія ня толькі жывыя, але яшчэ і працягваюць запісваць новыя альбомы і зьбіраць поўныя залы па ўсім сьвете, завіталі і да нашае краіны. Амаль што ўсе квіткі разабралі, некаторыя — адразу як яны зьявіліся ў продажы… Але гутарка не аб гэтым.

Такім чынам немцы ў межах ужо другой часткі свайго Hellish Rock Tour далі адарвацца і беларускім фэнам. Гэта было якаснае метал-шоў. Ня гледзячы на тое, што ў «КаЗе» няма танцпляца… Гледачы зрабілі яго сабе самі. Шмат песень было сыграна. Прагучалі самыя чаканые баевічкі Gamma Ray і Helloween. Таксама кампазіцыі з апошніх студыйных работ абодвух гуртоў. У фінале было агульнае выкананьне старых твораў.

Натоўп проста шалеў напрацягу шоў! Адзін хлопец вырашыў залезьці да музыкаў на сцэну, за што і паплаціўся… Ахоўнікі яго адразу пацягнулі прэч з залы. Але ж. Што тычыцца гуку ды сьвятла, то ўсё было ў асноўным на вышэйшым ўзроўні! Хіба што невялічкія недахопы наконт гуку.

Пасьля канцэрта некаторыя шчасьліўцы змаглі працягнуць рэалізаваньне сваёй мары і рабілі фоты з удзельнікамі гуртоў ды бралі аўтографы.

Тэкст і фота: Зьміцер Сачыўка GotieRipper