avatar

Radzima - новы дыск ад 34mag.net
Апублікавана у Навіны

Праект 34mag.net выпусьціў новы дыск «Radzima» — для ўсіх тых, хто з'ехаў, плануе з'ехаць, плануе застацца або застаўся – карацей, для ўсіх, у каго пры слове «Радзіма» перад вачыма паўстае ня толькі квадрат Малевіча.

Тым, для каго памеры радзімы супадаюць з памерамі сьвету. Ці тым, для каго яны звужаюцца да стужкі сяброў у Facebook. Тым, для каго дом там, дзе лэптоп ловіць сігнал ад бліжэйшага споту wi-fi. І тым, хто ў апошні момант раздрукоўвае пасадачны талон на лоўкост. Грамадзянам сьвету і насельнікам намётавах мястэчак, жыхарам райцэнтраў і спальных дыстрыктаў мегаполісаў – Radzima ад 34mag.

An, дызайнерка дыска Radzima:
«Дыск Radzima пераважна пра маладых хлопцаў і дзяўчат, якія пакінулі Беларусь у пошуках новага жыцця. У кожнага з іх, як у любога эмігранта, засталося сваё ўяўленне пра радзіму. Тым не менш, я паспрабавала скласці гэтыя ўяўленні ў агульны самабытны вобраз. Дызайн атрымаўся каларытным і трохі меланхалічным, бо толькі далёка ад радзімы ты разумееш, наколькі прывязаны да яе».


Спасылка на запампоўку
  • 1946

0 каментароў

Каб пакінуць каментар