avatar

IQ48 – “HMR web edition”
Апублікавана у Навіны

4 ліпеня да 10-годдзя сваёй канцэртнай дзейнасьці, гурт IQ48 выкладзе ў вольны доступ на трох беларускіх сайтах свой апошні альбом “HMR”, дапоўнены цалкам эксклюзіўным матэрыялам.

У перавыданьне, якое атрымала назву “HMR web edition”, увайшло 18 твораў. Акрамя непасрэдна альбому “HMR” рэліз уключае яшчэ 7 бонус-трэкаў, запісаных падчас працы над гэтай праграмай.

Бонусы – гэта, па-першае, рэміксы на ўласныя песьні, якія зрабілі непасрэдна самі музыкі гурта, а таксама пры дапамозе ўдзельніка калектыву Drum Ecstasy З. Харытановіча. Па-другое, гэта кавэр-версіі песень Red Hot Chili Peppers, Rage Against The Machine ды іншых.

У цэлым хлапцы з IQ48 вырашылі не рабіць кальку зь вядомых замежных песень і напісалі да іх свае аўтарскія тэксты. Тэматыка атрымалася максімальна набліжаная да навакольнае рэчаіснасьці. Тут і дзембеля, і аўтагоншчык, і дзядуля панк-року — Iggy Pop!
Але адна зь песень усё ж была перакладзена і адаптавана – гэта твор Bob Marley “Redemption song”, пераклад якой зрабіў вядомы паэт і мастак Міхал Анемпадыстаў, зь якім IQ48 пасьпяхова працавалі і раней.

“У траўні 2002 году ў клубе “Танель” адбыўся наш першы “жывы” выступ. Дэбютавалі так, што “спалілі” апарат практычна на другой песьні! Безумоўна, гэта быў добры, ракенрольны знак! Наконт “HMR web edition”? Нам здаецца, што калі б, напрыклад, Red Hot Chili Peppers ці той жа Iggy Pop стала працавалі тут, то яны гучалі б менавіта так! Гэтаму мы і прысьвячаем гэтае выданьне!” – кажуць IQ48.

Рэліз “HMR web edition” адбудзецца 4 ліпеня на адначасова на трох сайтах www.ultra-music.com, www.music.fromby.net і www.euroradio.fm

0 каментароў

Каб пакінуць каментар