Лявон Вольскі ў Вільні: ШОС - гэта па-нашаму

Апублікавана 30 кастрычніка 2011, 20:31 у Навіны

Вядомы беларускі музыка, забаронены ў роднай краіне, даў канцэрт у сталіцы Літвы.

Канцэрт быў арганізаваны моладзевай ініцыятывай StudAlliance пры падтрымцы Еўрапейскага гуманітарнага універсітэта і віленскага рэстарана «Marceliukеs Klеtis».

На канцэрце прагучалі песні Лявона Вольскага розных гадоў і розных праектаў — ад «Народнага альбому» да «Крамбабулі».

Канцэрт Лявона Вольскага прайшоў з аншлагам: зала была поўнай, музыку некалькі разоў выклікалі на «біс», прысутныя разгарнулі нацыянальныя беларускія бел-чырвона-белыя сцягі і скандавалі «Жыве Беларусь!». Гледачы таксама фатаграфаваліся з Лявонам у майках з вядомай абрэвіятурай «ШОС».