FLЁUR 13 лістапада ў Менску

Апублікавана 14 кастрычніка 2011, 11:58 у Навіны

Flёur з праграмай “Живое”, у якую ўваходзяць новыя і невыданыя песні, 13.11.11. у менскім клубе «RE:PUBLIC».

Каля дзесятка новых песень, якія гурт рыхтуе да запісу новага альбома, уключаныя ў праграму восеньскага канцэртнага тура Flёur — “Живое”.

Запіс альбома быў адкладзены і яго рэліз перанесены на вясну 2012 года. Гурт вырашыў працягваць традыцыю выканання новых песень на канцэртах да пачатку студыйнай работы над імі. Раней паведамлялася, што ў гісторыі Flёur гэты альбом павінен быў стаць першым, песенны матэрыял якога можна было б пачуць толькі апасля рэлізу. Аднак, як кажуць удзельнікі гурта, менавіта падчас канцэртнага выканання новых песень, падчас вялікага эмацыянальнага выбуху і непасрэднага кантакту са слухачамі нараджаюцца новыя ідэі і з'яўляюцца новыя нюансы ў аранжыроўках. Менавіта на канцэртах песні пачынаюць жыць сваім жыццём і раскрываюць свой унутраны патэнцыял. Таму, перш чым пазнаёміцца са студыйнымі версіямі новых песень, прыхільнікі музыкі Flёur змогуць пачуць іх у жывым выкананні, непасрэдна дакрануўшыся да ўсяго таго, чым гурт жыве і дыхае апошнія паўгады.

Упершыню, ад перыяду ранніх гадоў існавання калектыва, у адной праграме рыхтуецца такая колькасць навінак. Разам з імі, тых, хто прыйдзе на канцэрт праграмы “Живое”, чакаюць, канешна ж, і самыя знакамітыя песні з рэпертуара Flёur.

13 лістапада (нядзеля)
Адрас: Менск, вул. Прытыцкага, 62
клуб RE:PUBLIC
Метро: Кунцаўшчына
Пачатак а 19:00.
Квіткі: 80.000 — 100.000 танцпляц., 150.000 VIP.
Месцы продажу квіткоў:
— клуб «RE:PUBLIC» (вул. Прытыцкага, 62, ст. м.Кунцаўшчына),
— ГЦ Купалаўскі 19 пав. (каля ст. м. Кастрычніцкая, аўт-нядз 11.00-19.00),
— ГЦ «РЫГА” 18 пав. (вул. Сурганава, 50, 18 пав, 2 паверх — пан-нядз 11:00 — 19:30).,
— пераход ст. метро Я.Коласа,
— пераход ГУМ (каса тэатра)
— касы горада.
У ДЗЕНЬ КАНЦЭРТА КВІТКІ З 16-00 У КАСЕ КЛУБА!!!

Даведкі: 8-029-6749761, 8-029-851 77 06, 017 — 3103142