Інтэрв'ю галоўнага рэдактара BelMetal.org Яна Мачульскага Музычнай газеце з нагоды Дня народзінаў партала
Апублікавана
у
Інтэрв'ю
BelMetal.org – нараджэньне звышновай
Надоечы айчынны музычны партал BelMetal.org адзначыў свой юбілей. Споўніўся яму ўсяго адзін годзік, аднак першыя яго крокі ўжо ператварыліся ва ўпэўненую хаду інфармацыйнага рэсурса, які крочыць па рэспубліцы. Пытаньні стварэньня і разьвіцьця аднаго з самых цікавых праектаў сучаснай музычнай індустрыі мы абмяркоўваем зь яго заснавальнікам і непасрэдным лідарам – галоўным рэдактарам партала Янам Мачульскім.
— Як нарадзілася ідэя стварэньня музычнага партала БелМетал і хто з’яўляецца яе ініцыятарам?
Усё пачалося чатыры гады таму, калі я прыйшоў да цяжкай музыкі, натхніўся, і ў пэўны момант вырашыў рабіць нешта для гэтай стыхіі. Так з’явіліся першыя парасткі белметал-руху – форум на бясплатным сэрвісе. Тры гады гэты форум жыў, разьвіваўся, затым як той вусень памёр, каб даць сьвету прыгожага матылька. Гутарка пра партал. Яго б не было, калі б жыцьцё не зьвяло з добрымі патрэбнымі людзьмі. У заснаваньні канкрэтна партала прыняло ўдзел тры чалавекі. Мы падзялілі пэўныя функцыі і пачалі зьбіраць каманду. Так і атрымалася тое, што мы бачым зараз праз год працы.
— Што з’яўляецца асноўнай мэтай партала?
Партал прызваны аб’яднаць прыхільнікаў цяжкай музыкі па ўсіх кутках краіны, стварыць умовы для станаўленьня беларускіх музычных калектываў, якія трапляюць у наш фармат. І галоўная нашая асаблівасьць, як вядома, у папулярызацыі беларускай мовы і культуры. Менавіта таму ўвесь інтэрфэйс сайта выкананы на Мове, на ёй жа мы вядзем і ўсю сваю дзейнасьць, ствараючы Мове прэстыж. Магу прывесьці прыклад. Мэта будзе дасягнутая, калі, скажам, малады музычны гурт зь нейкага правінцыйнага мястэчка пачне граць метал і сьпяваць па-беларуску, і пры тым яны прагнуць трапіць у каталог БелМетала і прайсьці адбор на фестываль ці на выданьне-складанку. Другі варыянт – моладзь, якая толькі прыйшла да цяжкай музыкі, трапляе ў гэткую металёвую тусоўку і бачыць, як металюгі гутараць між сабою на роднай мове. А наколькі ж важна трапіць у гэтую хвалю «нефармальнасьці» на фоне навязаных шэрым грамадствам ідэй! Памятаю сябе ў тыя гады і тое, як багавейна ставіўся да ўсяго са сьвежапазнанага сьвету цяжкай музыкі, як старанна пераймаў гумар і манеры металістаў. Вось гэтак прыналежнасьць да беларускай культуры і становіцца ў нашым прыкладзе прадметам гонару і павагі. Юнак пачынае разумець, што патрыятызм і родная мова – гэта ня толькі ўрокі беларускай літаратуры ў школе альбо апазіцыя. Гэта яшчэ і буйны ды цікавы рух БелМетал.
— Моладзь з’яўляецца тым кантынгентам, якому дастаткова цяжка прывіваць асновы культурна-гістарычнага адраджэньня. Якім чынам у вас атрымалася знайсьці падыход да такой даволі няпростай мэтавай аўдыторыі?
Гэта сапраўды цяжкае пытаньне. Можна нават сказаць, што збольшага мы йшлі наўгад. Мы проста пабудавалі партал на выключна беларускай мове, выкарыстоўвалі родную мову ва ўсіх сферах сваёй дзейнасьці, гутарылі па-беларуску на сустрэчах у жыцьці. Потым прааналізавалі і зразумелі, што ўдзельнікі, якія прыходзяць у наш рух, таксама актыўна намагаюцца далучацца да беларускай культуры, паважаюць яе, лічуць, як было ўжо адзначана, прадметам гонару. Яшчэ на зары жыцьця партала мы правялі мерапрыемства – наведалі магілу Васіля Быкава ў яго дзень. Сабралася каля трыццаці чалавек. І ўсе як адзін гутарылі па-беларуску, хто як можа. І гэта абсалютна расейскамоўныя ў жыцьці людзі! Яшчэ ніхто ніколі не папракнуў нас у дыскрымінацыі расейскай мовы, ніхто не асьмеліўся пакрыўдзіць нашую ідэю папулярызацыі Мовы. Насупраць, нават іншаземцы, якія чытаюць сайт, намагаюцца ўнікаць у нашу мову і пры неабходнасьці перакладаць незразумелае. І я лічу, што тым самым мы выгодна прадстаўляем нашу краіну ў сьвеце. Наш метал набывае нацыянальны ўнікальны каларыт.
— Партал вызначаецца якасным дызайнам і сучаснымі тэхнічнымі вырашэньнямі. Хто ажыцьцяўляў гэтыя канцэпцыі?
Як я ўжо казаў, партала б не было, калі б жыцьцё не зьвяло з патрэбнымі людзьмі, зь якімі мы і ўтварылі «ядро». Гэта адміністратар, дызайнер і галоўны рэдактар. Ад кожнага па здольнасьці – парталу на патрэбы. Так мы абралі платформу, на якой далей вялі распрацоўкі, адаптуючы пад фармат музычна-сацыяльнага партала, спраектавалі дызайн сайта, распрацавалі беларускамоўны інтэрфэйс для ўсіх элементаў, пастаянна ўносілі цікавыя абнаўленьні і дапаўненьні. Таму так, усім гэтым займалася ініцыятыўная група БелМетала.
— Партал кранае ня толькі музычную, але і культурную, гістарычную, ваенна-патрыятычную тэматыку. Якім чынам гэта можа спалучацца з праявамі нефармальнае культуры?
Дасьледваньні гэтага пытаньня далі нам магчымасьць яшчэ да стварэньня партала сфармуляваць наступныя вынікі. Напрамак музыкі пад назвай Метал – феномен, які мае вакол сябе буйную культурную сферу – сферу цікавасьцей сучаснага прадстаўніка нефармальнага грамадства. Яна акрамя непасрэдна цяжкай музыкі ўключае і такія з’явы як фальклор, рыцарства і рэканструкцыя, розныя віды спорту, фаер-прадстаўленьні, іншыя культурныя рухі і з’явы.
— Зь якімі цяжкасьцямі вам давялося сутыкнуцца падчас працы над праектам? Што падавалася цяжкім, а што не патрабавала значных разумовых і матэрыяльных выдаткаў?
Самай галоўнай турботай заўжды быў недахоп часу. Бо ў нас усіх вучоба ды праца. Першыя этапы распрацоўкі былі самымі натхняльнымі ды поўнымі энтузіязму. А вось калі партал адчыніўся і пачаў набіраць рух, зваліўся агромністы пласт па арганізацыйнай дзейнасьці. Тады і пачала зьбірацца суполка супрацоўнікаў: журналісты, фатографы, прадстаўнікі ў грамадстве. Значных намаганьняў каштавала давесьці да аўтаматызму механізм працы партала, зацьвердзіць яго арганізацыйную структуру. Што датычыцца матэрыяльных выдаткаў, то ўсё гэта робіцца за ўласны кошт і на голым энтузіязме, што чарговы раз даказвае зацікаўленасьць людзей у нашай дзейнасьці. А разумовыя выдаткі – яны заўжды прысутнічаюць. Кожную хвіліну даводзіцца разважаць, як палепшыць нашае стварэньне і як эфектыўна служыць цяжкай музыцы і роднай культуры.
— Наконт палітычнай афарбоўкі.
Партал з’яўляецца абсалютна апалітычным. Мы не змагаемся ні за якія ідэі акрамя ідэі адзінства беларускага металу і прапаганды роднай культуры. Калі казаць, што рух БелМетал дзейнічае пад нейкім сьцягам – то гэта ня бел-чырвона-белы і не чырвона-зялёны. Тады ўжо гэта сьцяг з лагатыпам BelMetal.org на фоне беларускіх краявідаў. Нашая мэта – разьвіваць беларускі метал-рух з наданьнем яму нацыянальнага каларыту. Гэта ня тычыцца палітыкі.
— Зь якімі гуртамі і выканаўцамі было наладжана супрацоўніцтва? Якія іх водгукі пра зробленую працу?
Зь першых дзён свайго існаваньня мы наладжвалі сувязі з арганізатарамі канцэртаў для супрацы ў якасьці журналістаў па акрэдытацыі, з лэйбламі з мэтай атрыманьня матэрыялаў для рэцэнзіі, ну і вядома ж з самімі музычнымі калектывамі і выканаўцамі непасрэдна альбо вышэй адзначанымі шляхамі. Плён працы складаецца з фотасправаздачы з канцэртаў, рэцэнзій на альбомы і жывыя выступы, інтэрв’ю, асьвячэньня значных у жыцьці гуртоў падзей, папулярызацыі праз нашыя канцэрты ды складанкі, супрацоўніцтве ад нашага імя з арганізацыямі, зацікаўленымі ў выканаўцах, якіх падтрымлівае партал БелМетал. Такім чынам, мы працавалі са шматлікімі калектывамі рознага ўзроўню. Маладым гуртам мы прапаноўвалі зарэгістравацца ў нашым каталогу з далейшым адборам па фармату для канцэртаў і складанак, з камандамі пабуйней мы ладзілі інтэрв’ю, пісалі рэцэнзіі на іх творы, асьвячалі іх канцэрты. Важна адзначыць, што часьцяком ініцыятыва супрацоўніцтва зыходзіць ад саміх гуртоў дастаткова высокага ўзроўню і знакамітасьці. Гэтая нашая сфера дзейнасьці ахоплівае ня толькі беларускіх выканаўцаў, але і замежных. Гэтак, мы зладзілі інтэрв’ю з такімі гуртамі, як Sepultura, Cruachan, Moonspell, Mournful Gust, Эпидемия, Невидь, СатанаКозёл, Топь, Грай, рэцэнзавалі альбомы расейцаў Beer Bear, Топь, Shturm, Темнозорь. З роднай, беларускай сцэнай усё выдатна і на стадыі аўтаматызму – нас запрашаюць працаваць на канцэртах, гурты паведамляюць пра свае навіны, дамаўляюцца пра інтэрв’ю ды рэцэнзіі. Бяз лыжкі дзёгцю, зразумела, не абыходзіцца – некаторыя арганізатары ня маюць шчодрасьці для акрэдытацыі больш чым на адну асобу (даводзіцца рыхтаваць уласных унікальных байцоў — фатографа-журналіста ў адной асобе), адзін гомельскі арганізатар (ня будзем агучваць яго прозвішча – каму трэба, той зразумее) увогуле заявіў пра спыненьне супрацоўніцтва зь інтэрнэт-выданьнямі, бо на яго думку «ад нас у яго болей грошай у касе не апынецца». Ну, паўсюдна свае цяжкасьці і радасьці. Мы спраўна вядзем сваю дзейнасьць і разьвіваемся. І я лічу, за год працы шмат чаго ўжо дасягнулі.
— Чаго б вы маглі пажадаць сваёй аўдыторыі чытачоў?
Па-першае, ніколі не ашуквайце сябе – слухайце толькі тую музыку, якая прымушае вашыя сэрцы біцца мацней, а валасы – уставаць дыбарам, эмоцыі – выбухаць ў катарсісу! Толькі тады можа быць зразумелай з’ява пад назвай Метал і ўся культура, створаная вакол яе. Шануйце Беларусь і Мову! Няхай родная мова часьцей з’яўляецца ў нашай гаворцы. Рэалізуйце цалкам свой творчы патэнцыял. Жывіце, займайцеся ўлюбёнымі справамі, шукайце сябе і памятайце, што наш партал створаны каб даць кожнаму аматару цяжкай музыкі прыналежнасьць да гэтага магутнага руху. Да сустрэчы на нашых старонках і мерапрыемствах, а асабліва – на канцэрце ў гонар нашага Дня народзінаў! BelMetal – Be Metal!
Падрыхтавала Алена Харламава.
Надоечы айчынны музычны партал BelMetal.org адзначыў свой юбілей. Споўніўся яму ўсяго адзін годзік, аднак першыя яго крокі ўжо ператварыліся ва ўпэўненую хаду інфармацыйнага рэсурса, які крочыць па рэспубліцы. Пытаньні стварэньня і разьвіцьця аднаго з самых цікавых праектаў сучаснай музычнай індустрыі мы абмяркоўваем зь яго заснавальнікам і непасрэдным лідарам – галоўным рэдактарам партала Янам Мачульскім.— Як нарадзілася ідэя стварэньня музычнага партала БелМетал і хто з’яўляецца яе ініцыятарам?
Усё пачалося чатыры гады таму, калі я прыйшоў да цяжкай музыкі, натхніўся, і ў пэўны момант вырашыў рабіць нешта для гэтай стыхіі. Так з’явіліся першыя парасткі белметал-руху – форум на бясплатным сэрвісе. Тры гады гэты форум жыў, разьвіваўся, затым як той вусень памёр, каб даць сьвету прыгожага матылька. Гутарка пра партал. Яго б не было, калі б жыцьцё не зьвяло з добрымі патрэбнымі людзьмі. У заснаваньні канкрэтна партала прыняло ўдзел тры чалавекі. Мы падзялілі пэўныя функцыі і пачалі зьбіраць каманду. Так і атрымалася тое, што мы бачым зараз праз год працы.
— Што з’яўляецца асноўнай мэтай партала?
Партал прызваны аб’яднаць прыхільнікаў цяжкай музыкі па ўсіх кутках краіны, стварыць умовы для станаўленьня беларускіх музычных калектываў, якія трапляюць у наш фармат. І галоўная нашая асаблівасьць, як вядома, у папулярызацыі беларускай мовы і культуры. Менавіта таму ўвесь інтэрфэйс сайта выкананы на Мове, на ёй жа мы вядзем і ўсю сваю дзейнасьць, ствараючы Мове прэстыж. Магу прывесьці прыклад. Мэта будзе дасягнутая, калі, скажам, малады музычны гурт зь нейкага правінцыйнага мястэчка пачне граць метал і сьпяваць па-беларуску, і пры тым яны прагнуць трапіць у каталог БелМетала і прайсьці адбор на фестываль ці на выданьне-складанку. Другі варыянт – моладзь, якая толькі прыйшла да цяжкай музыкі, трапляе ў гэткую металёвую тусоўку і бачыць, як металюгі гутараць між сабою на роднай мове. А наколькі ж важна трапіць у гэтую хвалю «нефармальнасьці» на фоне навязаных шэрым грамадствам ідэй! Памятаю сябе ў тыя гады і тое, як багавейна ставіўся да ўсяго са сьвежапазнанага сьвету цяжкай музыкі, як старанна пераймаў гумар і манеры металістаў. Вось гэтак прыналежнасьць да беларускай культуры і становіцца ў нашым прыкладзе прадметам гонару і павагі. Юнак пачынае разумець, што патрыятызм і родная мова – гэта ня толькі ўрокі беларускай літаратуры ў школе альбо апазіцыя. Гэта яшчэ і буйны ды цікавы рух БелМетал.
— Моладзь з’яўляецца тым кантынгентам, якому дастаткова цяжка прывіваць асновы культурна-гістарычнага адраджэньня. Якім чынам у вас атрымалася знайсьці падыход да такой даволі няпростай мэтавай аўдыторыі?
Гэта сапраўды цяжкае пытаньне. Можна нават сказаць, што збольшага мы йшлі наўгад. Мы проста пабудавалі партал на выключна беларускай мове, выкарыстоўвалі родную мову ва ўсіх сферах сваёй дзейнасьці, гутарылі па-беларуску на сустрэчах у жыцьці. Потым прааналізавалі і зразумелі, што ўдзельнікі, якія прыходзяць у наш рух, таксама актыўна намагаюцца далучацца да беларускай культуры, паважаюць яе, лічуць, як было ўжо адзначана, прадметам гонару. Яшчэ на зары жыцьця партала мы правялі мерапрыемства – наведалі магілу Васіля Быкава ў яго дзень. Сабралася каля трыццаці чалавек. І ўсе як адзін гутарылі па-беларуску, хто як можа. І гэта абсалютна расейскамоўныя ў жыцьці людзі! Яшчэ ніхто ніколі не папракнуў нас у дыскрымінацыі расейскай мовы, ніхто не асьмеліўся пакрыўдзіць нашую ідэю папулярызацыі Мовы. Насупраць, нават іншаземцы, якія чытаюць сайт, намагаюцца ўнікаць у нашу мову і пры неабходнасьці перакладаць незразумелае. І я лічу, што тым самым мы выгодна прадстаўляем нашу краіну ў сьвеце. Наш метал набывае нацыянальны ўнікальны каларыт.
— Партал вызначаецца якасным дызайнам і сучаснымі тэхнічнымі вырашэньнямі. Хто ажыцьцяўляў гэтыя канцэпцыі?
Як я ўжо казаў, партала б не было, калі б жыцьцё не зьвяло з патрэбнымі людзьмі, зь якімі мы і ўтварылі «ядро». Гэта адміністратар, дызайнер і галоўны рэдактар. Ад кожнага па здольнасьці – парталу на патрэбы. Так мы абралі платформу, на якой далей вялі распрацоўкі, адаптуючы пад фармат музычна-сацыяльнага партала, спраектавалі дызайн сайта, распрацавалі беларускамоўны інтэрфэйс для ўсіх элементаў, пастаянна ўносілі цікавыя абнаўленьні і дапаўненьні. Таму так, усім гэтым займалася ініцыятыўная група БелМетала.
— Партал кранае ня толькі музычную, але і культурную, гістарычную, ваенна-патрыятычную тэматыку. Якім чынам гэта можа спалучацца з праявамі нефармальнае культуры?
Дасьледваньні гэтага пытаньня далі нам магчымасьць яшчэ да стварэньня партала сфармуляваць наступныя вынікі. Напрамак музыкі пад назвай Метал – феномен, які мае вакол сябе буйную культурную сферу – сферу цікавасьцей сучаснага прадстаўніка нефармальнага грамадства. Яна акрамя непасрэдна цяжкай музыкі ўключае і такія з’явы як фальклор, рыцарства і рэканструкцыя, розныя віды спорту, фаер-прадстаўленьні, іншыя культурныя рухі і з’явы.
— Зь якімі цяжкасьцямі вам давялося сутыкнуцца падчас працы над праектам? Што падавалася цяжкім, а што не патрабавала значных разумовых і матэрыяльных выдаткаў?
Самай галоўнай турботай заўжды быў недахоп часу. Бо ў нас усіх вучоба ды праца. Першыя этапы распрацоўкі былі самымі натхняльнымі ды поўнымі энтузіязму. А вось калі партал адчыніўся і пачаў набіраць рух, зваліўся агромністы пласт па арганізацыйнай дзейнасьці. Тады і пачала зьбірацца суполка супрацоўнікаў: журналісты, фатографы, прадстаўнікі ў грамадстве. Значных намаганьняў каштавала давесьці да аўтаматызму механізм працы партала, зацьвердзіць яго арганізацыйную структуру. Што датычыцца матэрыяльных выдаткаў, то ўсё гэта робіцца за ўласны кошт і на голым энтузіязме, што чарговы раз даказвае зацікаўленасьць людзей у нашай дзейнасьці. А разумовыя выдаткі – яны заўжды прысутнічаюць. Кожную хвіліну даводзіцца разважаць, як палепшыць нашае стварэньне і як эфектыўна служыць цяжкай музыцы і роднай культуры.
— Наконт палітычнай афарбоўкі.
Партал з’яўляецца абсалютна апалітычным. Мы не змагаемся ні за якія ідэі акрамя ідэі адзінства беларускага металу і прапаганды роднай культуры. Калі казаць, што рух БелМетал дзейнічае пад нейкім сьцягам – то гэта ня бел-чырвона-белы і не чырвона-зялёны. Тады ўжо гэта сьцяг з лагатыпам BelMetal.org на фоне беларускіх краявідаў. Нашая мэта – разьвіваць беларускі метал-рух з наданьнем яму нацыянальнага каларыту. Гэта ня тычыцца палітыкі.
— Зь якімі гуртамі і выканаўцамі было наладжана супрацоўніцтва? Якія іх водгукі пра зробленую працу?
Зь першых дзён свайго існаваньня мы наладжвалі сувязі з арганізатарамі канцэртаў для супрацы ў якасьці журналістаў па акрэдытацыі, з лэйбламі з мэтай атрыманьня матэрыялаў для рэцэнзіі, ну і вядома ж з самімі музычнымі калектывамі і выканаўцамі непасрэдна альбо вышэй адзначанымі шляхамі. Плён працы складаецца з фотасправаздачы з канцэртаў, рэцэнзій на альбомы і жывыя выступы, інтэрв’ю, асьвячэньня значных у жыцьці гуртоў падзей, папулярызацыі праз нашыя канцэрты ды складанкі, супрацоўніцтве ад нашага імя з арганізацыямі, зацікаўленымі ў выканаўцах, якіх падтрымлівае партал БелМетал. Такім чынам, мы працавалі са шматлікімі калектывамі рознага ўзроўню. Маладым гуртам мы прапаноўвалі зарэгістравацца ў нашым каталогу з далейшым адборам па фармату для канцэртаў і складанак, з камандамі пабуйней мы ладзілі інтэрв’ю, пісалі рэцэнзіі на іх творы, асьвячалі іх канцэрты. Важна адзначыць, што часьцяком ініцыятыва супрацоўніцтва зыходзіць ад саміх гуртоў дастаткова высокага ўзроўню і знакамітасьці. Гэтая нашая сфера дзейнасьці ахоплівае ня толькі беларускіх выканаўцаў, але і замежных. Гэтак, мы зладзілі інтэрв’ю з такімі гуртамі, як Sepultura, Cruachan, Moonspell, Mournful Gust, Эпидемия, Невидь, СатанаКозёл, Топь, Грай, рэцэнзавалі альбомы расейцаў Beer Bear, Топь, Shturm, Темнозорь. З роднай, беларускай сцэнай усё выдатна і на стадыі аўтаматызму – нас запрашаюць працаваць на канцэртах, гурты паведамляюць пра свае навіны, дамаўляюцца пра інтэрв’ю ды рэцэнзіі. Бяз лыжкі дзёгцю, зразумела, не абыходзіцца – некаторыя арганізатары ня маюць шчодрасьці для акрэдытацыі больш чым на адну асобу (даводзіцца рыхтаваць уласных унікальных байцоў — фатографа-журналіста ў адной асобе), адзін гомельскі арганізатар (ня будзем агучваць яго прозвішча – каму трэба, той зразумее) увогуле заявіў пра спыненьне супрацоўніцтва зь інтэрнэт-выданьнямі, бо на яго думку «ад нас у яго болей грошай у касе не апынецца». Ну, паўсюдна свае цяжкасьці і радасьці. Мы спраўна вядзем сваю дзейнасьць і разьвіваемся. І я лічу, за год працы шмат чаго ўжо дасягнулі.
— Чаго б вы маглі пажадаць сваёй аўдыторыі чытачоў?
Па-першае, ніколі не ашуквайце сябе – слухайце толькі тую музыку, якая прымушае вашыя сэрцы біцца мацней, а валасы – уставаць дыбарам, эмоцыі – выбухаць ў катарсісу! Толькі тады можа быць зразумелай з’ява пад назвай Метал і ўся культура, створаная вакол яе. Шануйце Беларусь і Мову! Няхай родная мова часьцей з’яўляецца ў нашай гаворцы. Рэалізуйце цалкам свой творчы патэнцыял. Жывіце, займайцеся ўлюбёнымі справамі, шукайце сябе і памятайце, што наш партал створаны каб даць кожнаму аматару цяжкай музыкі прыналежнасьць да гэтага магутнага руху. Да сустрэчы на нашых старонках і мерапрыемствах, а асабліва – на канцэрце ў гонар нашага Дня народзінаў! BelMetal – Be Metal!
Падрыхтавала Алена Харламава.
1 каментар