Herr Mannelig
Апублікавана 23 лістапада 2011, 14:53 у Цікавае

Да гэтага моманту ведаў, што гэтую песню пераспяваць некалькі калектываў, але вось нават не здагадваўся, што гэтыя «некалькі» гэта так шмат…

Вікі-кэп пра Herr Mannelig:

«Гэр Манэліг» (па-швэдзку: Herr Mannelig, літаральна Пан Манэліг) — сярэднявечная скандынаўская народная баляда. Арыгінальны тэкст напісаны на старанарвэскай мове, аднак, улічваючы, што ў той час гэтая мова быў распаўсюджана па ўсім Скандынаўскім паўвостраве, якая толькі пасьля раскалолася на нарвэскую й швэдзкую, усталяваць канкрэтную прыналежнасьць баляды да нейкай краіны вельмі складана.

Баляда распавядае пра жанчыну-троль, якая была закахана ў рыцара Манэліга й жадала стаць чалавекам. Паводле распаўсюджанай у Скандынавіі легендзе, троль мог стаць чалавекам, калі іншы чалавек пакахае яго. Аднак, нягледзячы на ўсе абяцаныя трольлю чароўныя дары, гэр Манэліг адхіліў ейнае каханьне, асабліва падкрэсліваючы, што троль не зьяўлялася хрысьціянкай.

Баляда мае шэраг мэлёдыяў, якія слаба адрозьніваюцца паміж сабой, а таксама яна перакладзена на некалькі моваў, у тым ліку ангельскую, нямецкую, італьянскую, беларускую, расейскую, чэскую й іншыя. Сярод сучасных выканаўцаў гэтае баляды можна назваць гурты Garmarna, In Extremo, Litvintroll і інш.