avatar

Вучымся чытаць руны
Апублікавана у Гумар

Ідуць вікінгі па вуліцы. Аднаму бац кулаком у вуха, той іншаму ў адказ, закрануў трэцяга. І пайшло-паехала: мясарубка, берсеркі, разрубленыя шчыты, цуды гераізму… Застаўся на нагах адзін, паранены, шатаецца, азіраецца: нікога вакол. Раптам яго бац кулаком у вуха. Слава Одзіну, бацьку ваяроў!!!
Баян

Пры слове "руна" сэрца сярэднестатыстычнага (-ай) беларускага (-ай) металіста/металісткі пачынае біцца часцей. Выхаваныя на меч-метале, так папулярным у нашай краіне, яны усведамляюць сябе як частку спадчыны магутных вікінгаў, што давалі дыхту ўсяму загніваючаму еўрапейскаму феядалізму ў VІІІ-XI стст.

Шмат дзяўчат у інтэрнэтах носяць нікнэйм Валькірыя ці Фрэя. Сярод хлопцаў не перавяліся яшчэ Інгвальды, Харальды, Хлодвігі і іншыя. І кожны лічыць сваім святым абавязкам ведаць руны — пісьмо старажытных барадатых ваяроў Поўначы. Побач з фотаздымкам у быдласетках на фоне дывана пазначана імя, пасярод якога рунамі выбіты пафасны нікнэйм рунічным пісьмом, аздоблены свастыкамі. Што? ты яшчэ не ведаеш рунаў з прычыны сваёй ляноты ці ментальнай адсталасці? Ну, тады гэты артыкул для цябе, мой маленькі вікінг.

]«Слова „руна“ значыць „таемнасць“. Само пісьмо мела таемны, сакральны сэнс. Той, хто ім валодаў, меў вялікую павагу. Рунам прыпісвалі містычныя ўласцівасці. Таемнае пісьмо, зробленае містычнымі значкамі, утварала вельмі моцнае калдунства. Традыцыі захаваліся праз стагоддзі. Руны зараз карыстаюць у сеціве „чарадзеі“, офісны планктон, даўбаславы і іншыя добрыя людзі. Таму не дзіўна, што вы сустэнеце на прасторах інтэрнэту сайты, на якіх сібірская вядзьмарка наводзіць порчу па фотаздымках рунамі. Можа яна ўжо робіць залом у жыце на тваю смерць, мой маленькі Б'ярні! Гы-гы.

Большую частку артэфактаў з рунічнымі надпісамі знаходзілі і знаходзяць у Швецыі, што выклікае моцны боль у дупе розных цікавых асоб, памешаных на паходжанні людзей ад славян, дыназаўраў ад славян і славян ад славян. У шведскай правінцыі Даларна рунічнае пісьмо існавала аж да ХІХ ст., што ёсць цікавы факт.

Парадак размяшчэння 24 рунічных сімвалаў наываецца „футарк“. Гэта тое самае, што і алфавіт. Розніца толькі ў тым, што „алфавіт“ паходзіць ад двух першых літар „альфа+бэта“, „азбука“ ад трох „аз-букі-ведзі“, польскае „абэцадло“ ад трох „а-бэ-цэ“, а „футарк“ ад першых шасці літар „ф-у-тх-а-р-к“.»>

Пяройдзем непасрэдна да рунаў, іх выгяду, сэнсу і адпаведнікаў. Футарк падзяляецца на тры эціры — роды, па 8 сімвалаў у кожным.

1 эцір.

ФЕХУ, руна, якая абазначае «скот», «маёмасць», «багацце». Лацінскае напісанне: Fehu. Адпавядае лацінскім літарам "«F»" і "«V»"

УРУЗ — абазначае «зубр» ці «тур». Лацінскае напісанне: Uruz. Адпавядае лацінскай літары "«U»"

ТУРЫСАЗ — адна з самых цікавых рунаў, бо яна можа азначаць шмат паняццяў: «шып», «чорт», «волат», «гоблін» ці «троль». Лацінскае напісанне: þurisaz. Адпавядае лацінізіраванай ""þ"", распаўсюджанай у Ісланцыі.

АНСУЗ — значыць «бог», па-лацінску пішацца "Ansuz", адпавядае лацінскай "«A»"

РАЙДА — «язда», «шлях». Зусім лагічна супадае з ангельскай «rise» і нямцкім «reise». Лацінскае напісанне: Raidu, адпавядае лацінскай "«R»".

КЕНАЗ — значыць зусім супрацьлеглыя «факел» і «язва». Хутчэй за ўсё пазычана з лацінскага «С», і адпавядае літары "«К»". Лацінскае напісанне: Kauna.

ГЕБА — «дар», па-лацінску пішацца Gebu, адпавядае літары "«G»".

ВУНЬЁ — самая радасная руна, бо абазначае «радасць». Лацінскае напісанне Wunju. Што цікава, адпавядае літары "«W»" — так, як вядома, абазначаецца гук "ў".

Вось і скончыўся першы эцір. Хто стаміўся, той лох. Пераходзім да другога эціру.

2 эцір

ХАГАЛАЗ — азначае «град», «разбурэнне», «пагібель». Па-лацінску пішацца Hagalaz, адпавядае літары "«H»"

НАЎЦІЗ — «патрэба» ў сэнсе «беднасць», пішацца Naudiz, адпавядае лацінскай "«N»"

ІСА — «лёд», з якой мовай сугучна і так зразумела. Лацінскае напісанне Isaz, адпавядае літары ""І""

ЙЕРА — «год», тут тое ж падабенства з ангельскім «year». Пішацца як Jara, адпавядае лацінскай "«J»" (й).

ЭЙВАЗ — абазначае «ціс» ці часам «ясень». Па-лацінску пішацца Iwaz, адпавядае "É".

ПЕРТ — руна сугучная з ангельскім горадам. Яе значэнне не вядома. Аднак, на думку ўсім вядомага Варга Вівернэса, руна значыць «падарожжа» (у сэнсе «падарожжа душы»). Пішацца Perþu, азаначае лацінскую літару "Р".

АЛЬГІЗ — мае простае значэнне «лось». У Нацыстскай Германіі — руна жыцця, такая ж перавернутая з галавы да ног значыла руну смерці. Пішацца Algiz, адпавядае лацінскай "Z".

СОЎЛУ — «сонца», ізноў аналагічная шмат якім індаеўрапейскім караням, знакамітаму слову «салярны» ці французскаму «soleil», што абазначаюць непасрэдна сонца. Пішацца Soulu, абаначае лацінскую "S"

Другі эцір скончаны. А зараз — дыскатэка.

Стаіць вікінг на гары, глядзіць задуменна на мора і разважае ўслых:
— Я Олаф. У мяне шмат караблёў, але ніхто не кажа, што я карабелебудаўнік. У мяне шмат гарадоў, але ніхто не кажа, што я горадабудаўнік. У мяне шмат ваяроў, але ніхто не кажа, што я, Олаф, — военачальнік. Але ж трэба было адну авечку тра...

Акардэон.

3 эцір.

ТЭЙВАЗ — з'яўляецца сімвалам бога Цюра, яшчэ яна значыла «ваяр». Пішацца Tiwaz, адпавядае лацінскай "Т".

БЕРКАНА — «бяроза». Па-лацінску пішацца Berkana, адпавядае літары "B".

ЭВАЗ — абазначае «конь», у выніку невядомых абставін не адпавядае літары «М», па-лацінску пішацца Ehwaz, адпавядае літары "E".

МАННАЗ — «чалавек». Ізноў супадзенне з англьскім «man» і нямецкім «mann». Пішацца Mannaz, нарэшце адпавядае лацінскай "M".

ЛАГУЗ — яшчэ адно падабенства, абазначае як і ангельскае «lake» — «возера». Лацінсае напісанне: Laguz, адпавядае літары "L".

ІНГУЗ — тут зусім цікава. Руна значыць імя "Інгві", што ёсць адно з імёнаў Фрэйра — бога ўрадлівасці. Пішацца Iŋwaz, адпавядае транскрыбічнаму знаку "ŋ" (як быццам насавы гук N).

ДАГАЗ — гэта значыць «дзень», пішацца Dagaz, адпавядае ацінскай літары "D".

ОДАЛ — што ёсць «спадчына». Па-лацінску пішацца Oþila, адпавядае літары "O".

А зараз руны можна камбінаваць, рабіць з іх запісы, каб не зразумелі тыя, хто рун не ведае. Вывучыце з вашай дзяўчынай руны, і вашу перапіску ніхто ніколі не прапаліць.
Камбінацыі могуць быць рознымі. Лепш за ўсё спалучаць іх на падмурку ангельскай фанэтыкі, таму што шмат падабенстваў. Вось так будзе напісаны рунамі мой нікнэйм LorDKABAN:



Вывучыце гэта ўсё, скамбінуйце, трэнеруйцеся, і ўзровень вашага аўтарытэту адразу папаўзе ўверх. Поспехаў.">

0 каментароў

Каб пакінуць каментар