avatar

Супольнасьць BelMetal
Апублікавана у BelMetal

Наш рух набірае абароты, усё больш і больш людзей далучаюцца да нашае супольнасьці. Дзякуючы вашай падтрымцы і зацікаўленасьці мы дамагліся паказчыка памера аўдыторыі больш за 2600 чалавек. Нашым рухам цікавіцца ўсё больш і больш музычных лэйблаў, арганізатараў канцэртаў і музычных калектываў па ўсёй Беларусі. Прыходзіць час выходзіць на новы ўзровень і пашырацца.

BelMetal мэмМы прапануем ўсім жадаючым дзяліцца навінамі, ці проста цікавымі знаходкамі зь белметал-аўдыторыяй. Знаёміцца паміж сабой, заводзіць новыя сувязі. Разам ствараць сферу інтарэсаў сучасных беларускіх металхэдаў. Тым самым рабіць свой унёсак у арганізацыю металічнага руху, зьвязанага па ўсёй краіне. Дзяліцеся навінамі сваіх калектываў, пішыце водгукі, рэцэнзіі, прапановы ці ідэі, прэзентуйце сваю творчасьць, удзельнічайце ў абмеркаваньнях. Напэўна, цікавая Вам тэматыка стане цікавай камусьці яшчэ. Не абмяжоўвайцеся толькі сваімі сябрамі укантакце :[ Металхэдаў і проста людзей, якім могуць быць цікавыя вашыя думкі, ідэі, творчасьць або дасягненьні, можа быць значна больш, і мы ў гэтым упэўніліся!

Мы ўвялі абмежаваньне на прагляды сайта неаўтарызаваных карыстальнікаў. Цяпер час ад часу замест старонкі будзе вылазіць форма рэгістрацыі (зразумела, праблему можна вырашыць аўтарызацыяй на сайце). Гэтак жа ўвялі напамінальнік з просьбай суб'ектыўнай адзнакі пастоў (файна, ці лайно?). Спадзяемся, гэта дапаможа стымуляваць актыўнасьць чытачоў і забясьпечыць якасьць «зваротнай сувязі» паміж чытачом і пісьменьнікам => павялічыць колькасьць і якасьць матэрыялаў на сайце, а гэтак жа рухаць сайт у бок большай сацыялізацыі.

Нагадаем, БелМетал.орг прызваны стаць адзінай інфармацыйнай супольнасьцю, дзе кожны можа падзяліцца сваімі навінамі ці ідэямі, знайсьці аднадумцаў. Па меры развіцьця руху самыя актыўныя карыстальнікі будуць атрымліваць розныя бонусы. А belmetal.org атрымліваць падставу для рэалізацыі сваіх праектаў і далейшага росту. Усё толькі пачынаецца сябры!..

BelMetal.org — што трэба ведаць (FAQ)

0 каментароў

Каб пакінуць каментар