avatar

Што ёсьць BelMetal.org і як ім карыстацца
Апублікавана у BelMetal


BelMetal.org — беларускі музычны партал, накіраваны на асьвятленьне роднай сцэны, яе навакольля, яднаньне прыхільнікаў цяжкай музыкі і ўсяго да яе блізкага ў адзіны рух, зьнітаваны па ўсёй краіне. Пэўная ідэйнасьць руху ва ўздыме беларускай сьвядомасьці.

Галоўная нашая мэта — даць кожнаму аматару нефармальных культурных накірункаў пачуцьцё прыналежнасьці да агульнага руху, дапамагчы знайсьці сваё месца ў родным андэграундзе.
Менавіта метал з'яўляецца тым феноменам, які дае шчырае самавыяўленьне, ды тычыцца шмат іншых сфер дзейнасьці, гуртуе вакол сябе сапраўдную ўласную культуру. Менавіта гэтая культура і ёсьць наш аб'ект увагі, менавіта яна з наданьнем адметных нацыянальных рысаў мае права лічыцца скарбам беларускага народа. Менавіта ў гэтым місія партала BelMetal.org

Партал пабудаваны як зьмястовішча інфармацыі пра дзейнасьць прадстаўнікоў беларускай культурна-музычнай сферы, ад знакамітых да пакуль малавядомых, пра мерапрыемствы на айчынных пляцоўках, пра ўсе цікавыя для сучаснага беларускага аматара падзеі сусьвету цяжкай музыкі.

  • Каталог "Гурты" створаны для рэгістраваньня асабістых старонак беларускіх каманд, дзе яны будуць весьці ўласныя блогі і такім чынам прывабліваць увагу чытачоў партала. Таму мы запрашаем як буйныя знакамітыя гурты, так і маладыя малавядомыя фармацыі з усіх гарадоў ды мястэчак Бацькаўшчыны далучацца да ўсебеларускага каталога метал-гуртоў і карыстацца ім дзеля ўласнага развіцьця і данясеньня сваёй творчасьці да народа. Шчыра жадаем знайсьці як мага больш прыхільнікаў сярод чытачоў партала BelMetal.org !
  • Стварыць старонку свайго гурта можна праз пункт меню «Зарэгістраваць гурт» націскам галоўнай кнопкі «Далучыць», далей прытрымлівацца правіл карыстаньня каталогам.
  • Каталог "Афіша" зьмяшчае размеркаваныя ў календарным парадку мерапрыемствы з поўнай інфармыцыяй па іх тэматыцы і складзе, коштах ды месцы правядзеньня з геаграфічнай адзнакай на мапе.
  • Стварыць артыкул пра мерапрыемства можна праз пункт меню «Далучыць => Дадаць падзею».
  • Каталог "Фота" з'яўляецца зьмястовішчам фотарэпартажаў пра наведанныя дэлегацыяй партала BelMetal.org мерапрыемствы. Гэты раздзел таксама адкрыты для Вашых фотааглядаў. Загрузіць цікавыя фота можна праз пункт меню «Далучыць => Паказаць фота».
  • Каталог "Аўдыя" зьмяшчае ўсе загружаныя на сайт аўдыязапісы.
  • Дадаць трэкі можна праз адпаведны пункт меню «Далучыць => Заліць аўдыя». Калі ласка, не дадавайце на сайт трэкі, якія ўжо залітыя. А гэтак жа трэкі, правамі на разьмяшчэньне якіх вы не валодаеце. А прапанаваць народу «проста цікавы трэк» лепш праз далучэньне спасылкі на youtube.com пры напісаньні звычайнага топіка «Далучыць => Напісаць топік».
  • Каталог "Топікі" паказвае стужку апошніх топікаў, напісаных на сайце.
  • Каталог "Блогі" утрымлівае сьпіс блогаў, створаных на сайце, таксама дае права далучыцца да пэўнага зь іх, каб пісаць туды топікі.
  • Стварыць новы блог можна праз пункт меню «Далучыць => Адкрыць блог».
  • Таксама за галоўнай кнопкай «Далучыць» ёсьць варыянт топіка-апытаньня — «Прапанаваць апытаньне», топіка-спасылкі — «Падзяліцца спасылкай» і зьмястовішча Вашых чарнавікоў.
  • Каталог "Людзі" дэманструе сьпіс удзельнікаў партала, разьмеркаваных па рэйтынгу і моцы.
  • Сьпецыяльная функцыя "?" дазваляе сачыць за падзеямі на партале.
  • З правага боку выводзіцца Эфір сайта, дзе адлюстроўваюцца апошнія каментары да топікаў, публікацыі і водгукі на асабістых старонках гуртоў.

Самае галоўнае — зарэгістравацца ды аўтарызавацца на сайце.
Прыемнага далучэння Ў-Метал!

0 каментароў

Каб пакінуць каментар